Բակալավր-2022
2022-2023 ուսումնական տարվա հեռակա բակալավրի ընդունելությանը կիրականանա սեպտեմբերի 5-ից մինչև սեպտեմբերի 25-ը: Դիմում հայտերը ընդունվում են առցանց։
Հեռակա բակալավրի դիմումների հայտագրումը իրականացվում է ԳԹԿ-ի «dimord.am» կայքում՝ սեպտեմբերի 5-ից մինչև սեպտեմբերի 25-ը ժամը՝ 18:00-ն:
Դիմորդը դիմում-հայտ լրացնելու համար պետք է դիմի ՀԱՊՀ ընդունելության կենտրոն, որպեսզի գրանցվեն շրջանավարտի տվյալները, ստուգվեն քննությունների համար փոխանցված համապատասխան գումարի անդորրագրի առկայությունը և ստանա ԳԹԿ անձնական համար:
Նախապատրաստական դասընթացներ
• Դասընթացները ներառում են հայոց լեզու և գրականություն, մաթեմատիկա, ֆիզիկա, և անգլերեն առարկաների արագացված դասընթաց
• Ընդհանուր տևողությունը՝ 72 դասաժամ (յուրաքանչյուր առարկան 36 դասաժամ)
• Դասընթացի արժեքը՝ 95.000 ՀՀ դրամ
ՀԱՊՀ նախապատրաստական դասընթացներն ավարտած դիմորդները, ՀԱՊՀ կարող են ընդունվել մրցույթից դուրս, նախապատրաստական դասընթացների ավարտական երկու քննությունների գնահատականներով, ըստ կրթական ծրագրերի նախարարության կողմից հաստատված տեղերի մինչև 20%-ի չափով։
Գրանցվել կարող եք զանգահարելով 8112, 010-52-03-45 կամ 011-71-00-41 հեռախոսահամարներով կամ այցելելով հետևյալ հղմամբ՝ https://bit.ly/3dNvY2a
Դիմորդների ընդունելությունն իրականացվում է ՀՀ Կառավարության համապատասխան որոշմամբ հաստատված Կարգով:
Սույն կետում նշված կարգավիճակ ունեցող դիմորդները բուհ ընդունվելու դեպքում օգտվում են օրենքներով սահմանված ուսման վարձի փոխհատուցման իրավունքից․
- 1-ին և 2-րդ խմբերի հաշմանդամություն ունեցող անձինք և մինչև 18 տարեկան հաշմանդամ երեխաները կամ ֆունկցիոնալության ծանր և խորը աստիճանի սահմանափակում ունեցող անձինք (երեխաները)
- Առանց ծնողական խնամքի մնացած մինչև 23 տարեկան երեխաները։
Ընդունելության քննությունը դրական միավորով հանձնելու դեպքում Հայաստանի Հանրապետության պետական բյուջեի միջոցների հաշվին մրցույթից դուրս ընդունվում են ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության զինվորական կենսաթոշակի իրավունք ունեցող նախկին զինծառայողները, ինչպես նաև զոհված (մահացած) զինծառայողների ծնողներ, ամուսինը (կինը), մինչև 27 տարեկան զավակները:
Մարտական հերթապահություն իրականացնող զորամասերում պարտադիր ժամկետային զինվորական ծառայություն անցած և վերջին մեկ տարվա ընթացքում զորացրված դիմորդները՝ քննությունները դրական միավորներով հանձնելու դեպքում բուհ են ընդունվում մրցույթից դուրս։
Բուհի հետ համապատասխան մասնագիտության (կրթական ծրագիր) կրթական ծառայությունների մատուցման պայմանագրի առկայության և պայմանագիր կնքած կազմակերպության ֆինանսավորման դեպքում համապատասխան մասնագիտությամբ (կրթական ծրագիր) կազմակերպության աշխատողների ընդունելությունը կազմակերպվում է կազմակերպության ներկայացրած անվանացանկի համաձայն՝ առանց ընդունելության քննությունների կամ բուհի սահմանած կարգով։
Դիմորդի կողմից նախընտրած բուհի նախապատրաստական դասընթացներն ավարտած դիմորդները, բուհ են ընդունվում մրցույթից դուրս ավարտական քննությունների գնահատականներով, ըստ մասնագիտությունների (կրթական ծրագրերի) նախարարության կողմից հաստատված տեղերի մինչև 20% չափով։