Աշակերտ-2023
Պոլիտեխնիկի ավագ դպրոցի 2023-2024 ուսումնական տարվա 10-րդ դասարանում սովորել ցանկացող աշակերտների դիմում-հայտերի ընդունելությունը իրականացվելու է հուլիսի 3-ից 15-ը Համալսարանի ընդունելության կենտրոնում (Տերյան 105, 3-րդ մասնաշենք, 1-ի հարկ), ժամը՝ 9:00-16:00 (ներառյալ ոչ աշխատանքային օրերը):
Դիմորդը՝ Համալսարանի ընդունելության կենտրոնին (ընդունող հանձնաժողովին) օրինական ներկայացուցչի (ծնողի, որդեգրողի կամ հոգաբարձուի) հետ ներկայացնում է`
1. Դիմում
2. 4 լուսանկար (3×4 չափսի)
3. 9-րդ դասարանի ավարտական վկայականի պատճեն
4. Անձը հաստատող փաստաթուղթ (անձնագիր, կամ ծննդյան վկայական) և պատճենը
5. Ծնողի անձնագրի պատճենը
6. ՀԾՀ (սոցիալական քարտի) պատճեն
7. Գործերի ընդունման համար 3500 ՀՀ դրամ վճարման վերաբերյալ անդորագիր:
Դիմորդը պետք է վճարի ՀԱՊՀ հիմնադրամի «ՀԱՅԲԻԶՆԵՍԲԱՆԿ» ՓԲԸ-ի 1150012192660100 հաշվեհամարին, նպատակ բաժնում նշելով Ավագ դպրոցի ընդունելության վճար և դիմորդի ԱՆՈւՆ ԱԶԳԱՆՈւՆ: Անկախ մրցույթին մասնակցելուց և ընդունելության արդյունքից՝ վճարված գումարը դիմորդին հետ չի վերադարձվում:
Պոլիտեխնիկի ավագ դպրոցի 2023-2024 ուսումնական տարվա 10-րդ դասարանի ընդունելության համար հատկացվել է 216 անվճար տեղ և 40 վճարովի տեղ, ըստ հետևյալ ենթահոսքերի և քանակների.
Անվճար տեղեր՝
• Ֆիզիկամաթեմատիկական ենթահոսք – 72
• Ինժեներական ենթահոսք – 96
• Տնտեսագիտական ենթահոսք – 24
• Դիզայն ենթահոսք – 24
Վճարովի տեղեր՝
•Ինժեներական ենթահոսք – 40
Վճարովի հիմունքներով կրթության մեկ ուսումնական տարվա համար վարձավճարը կազմում է 900.000 (ինը հարյուր հազար) ՀՀ դրամ:
Դիմորդների գիտելիքների ստուգումն իրականացվելու է հուլիսի 17-ին, 18-ին, 19-ին և 22-ին (դիզայն ենթահոսքի հարցազրույց)՝ ժամը 9:00-ին «Հայաստանի ազգային պոլիտեխնիկական համասլարան» հիմնադրամի Երևանի ավագ դպրոցում (Տերյան 105, 7-րդ մասնաշենք):
Ըստ ենթահոսքերի քննություններն են՝
•ֆիզիկամաթեմատիկական ենթահոսք (մաթեմատիկա, ֆիզիկա – գրավոր),
• ինժեներական ենթահոսք (մաթեմատիկա, ֆիզիկա – գրավոր ),
• տնտեսագիտական ենթահոսք (մաթեմատիկա, ֆիզիկա – գրավոր),
• դիզայնի ենթահոսք (մաթեմատիկա – գրավոր, կերպարվեստ-բանավոր)
Լրացուցիչ հարցերի դեպքում զանգահարել 010 58 11 00, 011 71 00 41, 010 52 03 45 կամ մոտենալ ընդունելության կենտրոն
