Միջին մասնագետ-2022
Թափուր տեղերի համար դիմորդների փաստաթղթերն ընդունվում են dimord.emis.am համակարգի միջոցով, մինչև օգոստոսի 22-ը ժամը 18:00-ն։
Հայաստանի ազգային պոլիտեխնիկական համալսարանը ղեկավարվելով ՀՀ կառավարության 2020 թվականի հունիսի 11-ի N 958-Ն որաշմամբ և հինք ընդունելով ՀՀ ԿԳՄՍ նախարարի 2012թ. ապրիլի 5-ի N 254 հրամանով հաստատված կարգի 5-րդ կետը հայտարարում է միջին մասնագիտական կրթական ծրագրով 2022-2023 ուստարվա առկա ուսուցմամաբ ընդունելություն հիմնական ընդհանուր կրթության (9-րդ դասարանի) հիմքով հետևյալ մասնագիտություններով.
Քոլեջում սովորել ցանկացողների դիմում-հայտերի ընդունելությունը կատարվելու է dimord.emis.am համակարգի միջոցով:
1. Դիմորդները` այս տարի դիմում-հայտերը պետք է լրացնեն առցանց dimord.emis.am համակարգի միջոցով, որն իր մեջ ներառում է անձնական տվյալները (անուն ազգանուն հայրանուն, ծննդյան օր ամիս տարեթիվ, Էլեկտրոնային հասցե, հեռախոսահամար), ինչպես նաև Հանրային ծառայության համարանիշը կամ օրենքով սահմանված կարգով դրանից հրաժարվելու մասին տեղեկանքի համարը և կից ներբեռնում է նաև`
ա) 3×4 չափի էլեկտրոնային լուսանկար,,
բ) կրթության մասին փաստաթղթի (դիպլոմի դեպքում նաև ներդիրի) լուսապատճնեը,
գ) անձը հաստատող փաստաթղթի լուսապատճենը (անձնագիր, կամ ծննդյան վկայական՝ մինչև 16 տարեկան դիմորդի համար, կամ զինվորական գրքույկ, կամ Հայաստանի Հանրապետության ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական),
դ) կցագրման վկայականի լուսապատճենը (զորակոչային տարիք ունեցող դիմորդից ընդունվում են զինհաշվառման փաստաթղթերում տարկետման իրավունք տվող համապատասխան նշումի կամ չզորակոչվելու պատճառը հաստատող այլ նշումների առկայության դեպքում, իսկ նախկինում առողջության պատճառով տարկետում ունեցողներից՝ Հանրապետական զորակոչային հանձնաժողովի նշումների առկայության դեպքում),
2. Դիմորդը` միջին մասնագիտական կրթական ծրագրով ընդունելության գործընթացի կազմակերպման և անցկացման համար, Հաստատության հաշվեհամարին (ՀԱՊՀ հիմնադրամ, Հասցե՝ ՀՀ, ք․Երևան, Տերյան փ․, 105 | «ԿոնվերսԲանկ» ՓԲԸ Հ/Հ 1930004534910100) վճարում է 1000 (հազար) ՀՀ դրամ: Անկախ մրցույթին մասնակցելուց և ընդունելության արդյունքից՝ վճարված գումարը դիմորդին հետ չի վերադարձվում: Սահմանված վճարներից ազատվում են 8-րդ կետով նախատեսված արտոնություններ ունեցողները:
3. Դիմորդը կարող է դիմել մեկ ուսումնական հաստատություն մեկ մասնագիտության հայտագրմամբ՝ անվճար և վճարովի ուսուցման հիմունքով:
4. Օտարերկրացիներն՝ իրենց ընտրությամբ,Հաստատություն կարող են ընդունվել միայն վճարովի համակարգ կամ ՀՀ կառավարության կողմից ահմանված կարգով:
5. ՀՀ երկքաղաքացիները և ազգությամբ հայ օտարերկրացիները կարող են դիմել ընդհանուր հիմունքներով կամ օտարերկրացիների համար ՀՀ կառավարության սահմանված կարգով՝ իրենց ընտրությամբ:
6. Ընդունելությունն իրականացվում է առանց ընդունելության քննությունների՝ մրցույթային հիմունքով՝ ավարտական փաստաթղթի գնահատականների միջին թվաբանականի և մրցույթային առարկաների գնահատականների ընդհանուր առավելագույն գումարի հիման վրա:
7. Ընդունելության մրցույթից դուրս, պահուստային տեղերի հաշվին ընդունվում են` «Առանց ծնողական խնամքի մնացած երեխաների սոցիալական պաշտպանության մասին» Հայաստանի Հանրապետության օրենքի 7-րդ, «Հայաստանի Հանրապետությունում հաշմանդամների սոցիալական պաշտպանության մասին» Հայաստանի Հանրապետության օրենքի 14- րդ, «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի 37-րդ հոդվածներով, Հայաստանի Հանրապետության կառավարության 1999 թվականի օգոստոսի 27-ի «Հայաստանի Հանրապետության միջին մասնագիտական պետական ուսումնական հաստատություններում դիմորդների ընդունելության արտոնությունները սահմանելու մասին» N 545 որոշման պահանջներին, ինչպես նաև ՀՀ օրենսդրությամբ սահմանված համապատասխան արտոնություններ ունեցող Դիմորդները:։
8. Բարձր առաջադիմություն (միայն լավ և գերազանց գնահատականներ) ցուցաբերած շրջանավարտները կարող են մասնակցել բարձրագույն ուսումնական հաստատություններում համապատասխան մասնագիտությամբ՝ հեռակա ուսուցմամբ երկրորդ կուրսի ընդունելության մրցույթին:
Պոլիտեխնիկի Քոլեջը իրականացնում է միջին մասնագիտական կրթության ծրագրեր հետևյալ մասնագիտություններով՝
- Ավտոմոբիլային տրանսպորտի տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
- Կապի ցանցեր և հաղորդակցման համակարգեր (ուսման տևողությունը` 3 տարի 6 ամիս, որակավորումը` տեխնիկ)
- Ռադիոէլեկտրոնային տեխնիկայի տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
- Հաշվողական տեխնիկայի և ավտոմատացված համակարգերի ծրագրային ապահովում (ուսման տևողությունը` 4 տարի, որակավորումը`տեխնիկ ծրագրավորող)
- Բժշկական տեխնիկայի տեղակայում, տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
- Համակարգչային գեղարվեստական նախագծում (ուսման տևողությունը` 3 տարի, որակավորումը` Վեբ-դիզայներ)
- Փոստային Կապ (ուսման տևողությունը` 3 տարի, որակավորումը մասնագետ՝ փոստային կապի)
- Արդյունաբերական և քաղաքացիական շենքերի էլեկտրական սարքավորումների տեղակայում, կարգավորում և շահագործում (ուսման տևողությունը` 4 տարի, որակավորումը` տեխնիկ)
- Քիմիական միացութունների որակի անալիտիկ հսկում (ուսման տևողությունը` 4 տարի, որակավորումը` տեխնիկ)
- Մեխատրոնիկա (ուսման տևողությունը՝ 4 տարի, որակավորումը՝ տեխնիկ-մեխատրոնիկ)
- Էլեկտրամոբիլային տրանսպորտի տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
Քոլեջի նպատակն է՝ ապահովել որակյալ և ժամանակի պահանջներին համապատասխան կրթություն: Մեզ մոտ ձևավորված է սովորելու և մշտապես կատարելագործվելու առողջ միջավայր: Քոլեջն առաջարկում է համակցված ծրագրեր, որոնք զարգացնում են սովորողի տրամաբանական, ստեղծագործական և վերլուծական մտածողությունը, խթանում թիմային աշխատանքի ունակությունը: Կրթական բարձրակարգ ծառայությունները մատուցվում են շնորհիվ փորձառու նվիրյալ դասախոսների, որոնցից շատերը պոլիտեխնիկական համալսարանի պրոֆեսորադասախոսական կազմից են:
