Գևորգ Ռուստամի Բալումյանը ծնվել է 1973 թվականի նոյեմբերի 28-ին Երևանում: 1991 թվականին ավարտել է թիվ 45 միջնակարգ դպրոցը: Նույն թվականին ընդունվել է Երևանի պոլիտեխնիկական ինստիտուտ: 1996 թվականին ավարտել է Հայաստանի պետական ճարտարագիտական համալսարանի Լեռնամետալուրգիական ֆակուլտետը:
1999 թվականին ավարտել է ...
ՀԱՊՀ արհեստակցական կազմակերպությունը Պոլիտեխնիկի աշխատակազմի՝ գործատուի և աշխատողների աշխատանքային հարաբերությունների մեջ գտնվող և ազատ կամքի դրսևորմամբ աշխատողների միություն է` իրենց աշխատանքային, մասնագիտական, տնտեսական, սոցիալական իրավունքներն ու շահերը ներկայացնելու և աշխատանքային հարաբերություններում դրանք պաշտպանելու նպատակով:
ՀԱՊՀ արհեստակցական կազմակերպությունը գործում է Հայաստանի Հանրապետության հասարակական կազմակերպությունների մասին օրենքի, ՀՀ Աշխատանքային օրենսգրքի, ՀԱՊՀ կանոնադրության, ՀԱՊՀ արհեստակցական կազմակերպության կանոնադրության և կոլեկտիվ պայմանագրի հիման վրա: Արհեստակցական միությունը նպատակաուղղված է Պոլիտեխնիկի աշխատողների իրավական, սոցիալական հարցերի լուծմանը:
ՀԱՊՀ արհեստակցական կազմակերպությունը իրավահաջորդն է դեռևս 1933 թ. ստեղծված Երևանի Կ. Մարքսի անվան պոլիտեխնիկական ինստիտուտի Արհմիութենական կազմակերպության:
Գործունեության առաջին տարիներին արհմիութենական կազմակերպությունը նպաստել է ինստիտուտի կայացմանը: Կազմակերպությունը զբաղվել է հիմնականում աշխատողների աշխատանքային և դրա հետ կապված սոցիալական շահերի ու իրավունքների պաշտպանությամբ, ինչը և իրականացվում է առ այսօր: Կազմակերպության նախաձեռնությամբ ստեղծվել են գեղարվեստական ինքնագործունեության խմբակներ, բաշխվել են բնակարաններ, հոգացել են մարդկանց հանգստի կազմակերպման և այլ բնույթի խնդիրներ:
Տարբեր ժամանակներում արհկոմիտեի նախագահ են աշխատել պոլիտեխնիկցիներ Քրիստ Խաչատրյանը, Սուրեն Անթաշյանը, Թամարա Հակոբյանը, Խաչիկ Խաչատրյանը, Ալիկ Հակոբյանը, Համլետ Մկրտչյանը, Գևորգ Բալումյանը (2016 թ.-ից մինչ այժմ):
Կազմակերպությունը իր օրենսդրական գործունեությունը իրականացնում է 2000 թվականին Ազգային ժողովում ընդունված «Արհեստակցական կազմակերպությունների մասին» օրենքի համաձայն:
2015 թվականին համալսարանի անվանափոխության պատճառով «ՀՊՃՀ արհեստակցական կազմակերպություն»-ը վերանվանվեց «ՀԱՊՀ արհեստակցական կազմակերպություն» և վերագրանցվեց ՀՀ արդարադատության նախարարությունում:
Գործառույթները
Վայր: 3-րդ մասնաշենք, Հեռ.: +374 10 58 11 00, Էլ-փոստ: [email protected]