Արթուր Վլադիմիրի Զապրոսյան ծնվել է 1962 թվականի սեպտեմբերի 8-ին Երևան։ 1979-1984 թվականներին սովորել է Երևանի Կ.Մարքսի անվան պոլիտեխնիկական ինստիտուտի Քիմիական տեխնոլոգիաների ֆակուլտետում։ Աշխատանքային գործունեությունը սկսել է 1984 թվականին Երևանի պոլիտեխնիկական...
Կենտրոնը կազմակերպում և համակարգում է ՀԱՊՀ պրոֆեսորադասախոսական կազմի մասնագիտական վերապատրաստումը, որակավորման բարձրացման դասընթացների իրականացումը և համապատասխան արդյունքների վերլուծումը։ Զարգացնում և ընդլայնում է ՀԱՊՀ լրացուցիչ և շարունակական կրթության համակարգը՝ դարձնելով այն արդյունավետ և տնտեսապես շահավետ համալսարանական կառույց, բազմազանում է լրացուցիչ և շարունակական կրթության ծրագրերը՝ ապահովելով դրանց մատչելիությունը հանրության ամենալայն շերտերի համար։
2010 թվականին ՀԱՊՀ ղեկավարության և «Մայքրոսոֆթ» ընկերության հայաստանյան գրասենյակի տնօրինության միջև կնքված հուշագրի համաձայն ստեղծվեց «Մայքրոսոֆթ» ՏՏ ակադեմիան: Այն հնարավորություն տվեց կազմակերպել վերապատրաստման դասընթացներ` արտոնագրված ուսումնական ծրագրերով, միջազգային չափորոշիչներին համապատասխան։
2015 թվականին, նկատի ունենալով կենտրոնի գործունեության ոլորտի ընդլայնումը, այն վերանվանվեց Շարունակական կրթության և դասախոսների վերապատրաստման կենտրոն: Ներկայումս կենտրոնում իրականացվող դասընթացները ընդգրկում են «Մայքրոսոֆթ» ընկերության բոլոր հիմնական ուղղությունները և համապատասխանում են պաշտոնական ուսումնական ծրագրերին։
2015 թվականից կենտրոնում վերսկսվեց ՀԱՊՀ դասախոսների վերապատրաստման գործընթացը, որում ներկայումս ներառված են շուրջ 400 դասախոսներ։ Դասախոսների վերապատրաստման գործընթացի առկա վիճակը և արդյունքները ներկայացված են համապատասխան համակարգում, որը հասանելի է www.itacademy.am հասցեով։
Սկսած 2012 թվականից ՇԿ և ԴՎ կենտրոնում վերապատրաստվել են շուրջ 2300 ունկնդիր, որոնց մեծամասնությունը Պոլիտեխնիկից է: Ունկնդիրներ կան ԵՊՀ-ից, Սլավոնական, Ամերիկյան համալսարաններից, ինչպես նաև այլ բուհերից: Կենտրոնի հաջողության գրավականը ուսուցման բարձր որակն է:
Կենտրոնում իրականացվող վճարովի դասընթացների ամսեկան վարձավճարը կազմում է 20000 դրամ։ Նախատեսված են զեղչեր ՀԱՊՀ ուսանողների, ՀԱՊՀ ավագ դպրոցի աշակերտների, ՀԱՊՀ աշխատակիցների, նրանց երեխաների և թոռների համար։
Իրականացվող դասընթացների ցանկը՝
[/cm