Արթուր Վլադիմիրի Զապրոսյան ծնվել է 1962 թվականի սեպտեմբերի 8-ին Երևան։ 1979-1984 թվականներին սովորել է Երևանի Կ.Մարքսի անվան պոլիտեխնիկական ինստիտուտի Քիմիական տեխնոլոգիաների ֆակուլտետում։ 1987-1989 թվականներին՝ ասպիրանտուրայում:
Աշխատանքային գործունեությունը սկսել է 1984 թվականին Երևանի պոլիտեխնիկական ինստիտուտում` որպես ավագ լաբորանտ։
1990-1994 թվականներին` ասիստենտ։
1994-1995 թվականներին՝ «Infocom» ՍՊԸ-ում՝ որպես առաջատար մասնագետ:
1995-1996 թվականներին՝ խմբի ղեկավար:
1996-1997 թվականներին՝ տնօրենի տեղակալ:
1998-1999 թվականներին՝ տնօրեն։
1999-2001 թվականներին աշխատել է Քիմիական ֆիզիկայի և Հայաստանի պետական ճարտարագիտական համալսարանի համատեղ գիտաուսումնական բազայում՝ որպես ավագ գիտաշխատող:
2001-2007 թվականներին աշխատել է ՀՀ Ֆինանսների և էկոնոմիկայի նախարարությունում՝ որպես Համակարգչային տեխնոլոգիաների սպասարկման վարչության պետ:
2007-2008 թվականներին աշխատել է Քիմիական ֆիզիկայի և Հայաստանի պետական ճարտարագիտական համալսարանի համատեղ գիտաուսումնական բազայում՝ որպես ավագ գիտաշխատող:
2008-2012 թվականներին եղել է AG Academy-ի տնօրեն:
2010-2012 թվականներին աշխատել է ՀԱՊՀ «Ընդհանուր քիմիայի և քիմիական պրոցեսների» ամբիոնում՝ որպես ասիստենտ:
2010 թվականից առ այսօր ՀԱՊՀ-ում Microsoft IT Academy ծրագրի համակարգողն է։
2012 թվականից առ այսօր ՀԱՊՀ Շարունակական կրթության և դասախոսների վերապատրաստման կենտրոնի տնօրենն է։
2005 թվականին տրվել է ՀՀ քաղաքացիական ծառայության 1-ին դասի խորհրդականի աստիճան:
1990 թվականին ստացել է Քիմիական գիտությունների թեկնածուի գիտական աստիճան (ՀՀ ԳԱԱ Քիմիական ֆիզիկայի ինստիտուտ):
Ա. Զապրոսյանը 23 գիտական աշխատությունների հեղինակ է, այդ թվում 6 պատենտ, որոնք հրատարակվել են հայաստանյան և արտասահմանյան գիտական ամսագրերում:
Ամուսնացած է, ունի 2 երեխա։