Բրագանսայի պոլիտեխնիկական ինստիտուտը հայտարարում է 2023-2024թթ. շարժունություն` պրոֆեսորադասախոսական անձնակազմի համար:

Մանրամասն տեղեկատվության համար անցնել հետևյալ հղումով:

Շարժունության աշխատանքային ծրագրով նախատեսված է՝

1. IPB կրթական ծրագրի առաջին կուրսի դասավանդում` 6 կրեդիտ, շաբաթական 4 ժամ/մուտք:
2. IPB հետազոտական որևէ կառույցի և հետազոտողի հետ հետազոտական նախագծի իրականացում:
3. Շարժունության մասնակից դասախոսները կարող են նաև մասնակցել նորարարական նախագծերի մշակման գործընթացին, դիպլոմային նախագծերին, նորարարական մոդուլների ծրագրերի ամար, ինչպես նաև կամավորական աշխատանքների:

Շարժունության ճանապարհածախսը դեպի հյուրընկալող համալսարան և վերադարձ,  կացութությունը համալսարանի միջազգային պրոֆեսորադասախոսական հյուրատանը հոգում է հյուրընկալող համալսարանը:

 

         Մասնակցության համար անհրաժեշտ է՝

1. PhD աստիճան
2. Գիտական-ուսումնական ծրագիր հետևյալ ոլորտներից որևէ մեկում`

• Էլեկտրոնիկա, էլեկտրատեխնիկա
• Լրագրություն
• Կառավարում
• Բնական գիտություններ, էկոլոգիա (կենսաբանություն)
• Քույրական գործ
• Դեղագիտություն
• Տուրիզմ
• Անասնաբուծություն

 

Ծրագրով հետաքրքրված աշխատակիցները մինչև սույն թվականի փետրվարի 10-ը, ժամը 23:59 պետք է նախապես լրացնեն հետևյալ հայտը:

 

Պահանջվող փաստաթղթերի ցանկ`

• անձնագրի կամ նույնականացման քարտի լուսապատճեն,
• ինքնակենսագրական՝ CV Europass ձևաչափով (https://europa.eu/)
• մոտիվացիոն նամակ 250-300 բառի սահմաններում, որտեղ նշվում են դիմորդի՝ շարժունությանը մասնակցելու շարժառիթը և հետաքրքրությունների շրջանակը։

 

Ծրագրին կարող են մասնակցել միայն ՀԱՊՀ հիմնական աշխատակիցները:

Ոչ պատշաճ կերպով լրացված, ինչպես նաև վերջնաժամկետի ավարտից հետո ուղարկված հայտերը չեն դիտարկվի:

 

Հարցերի դեպքում կարող եք գրել ՀԱՊՀ Միջազգային հարաբերությունների վարչության [email protected] էլեկտրոնային փոստի հասցեին: