Սուրիկ Խաչիկի Խուդավերդյան

Գլխավոր / Սուրիկ Խաչիկի Խուդավերդյան

Սուրիկ Խաչիկի Խուդավերդյան

Կապի համակարգերի ամբիոնի վարիչի պաշտոնակատար

Սուրիկ Խաչիկի Խուդավերդյանը ծնվել է 1952 թվականին Ջավախքում: 1968 թվականին ավարտել է Երևանի թիվ 104 դպրոցը, 1973 թվականին՝ Երևանի պոլիտեխնիկական ինստիտուտը, 1980 թվականին՝ Մոսկվայի էլեկտրոնային տեխնիկայի ինստիտուտի ասպիրանտուրան:

Աշխատանքային գործունեությունը սկսել է 1973 թվականին ՀՍԽՀ ԳԱ Ռադիոֆիզիկայի և Էլեկտրոնիկայի ինստիտուտում և նրա հատուկ կոնստրուկտորական բյուրոյում՝ որպես ճարտարագետ, ավագ ճարտարագետ, կրտսեր գիտ. աշխատող, սեկտորի, այնուհետև՝ բաժնի վարիչ:

1977 թվականից աշխատել է ԵրՊԻ-ում (հետագայում՝ ՀՊՃՀ)՝ որպես դոցենտ, ապա պրոֆեսոր:

2006-2015 թվականներին եղել է ՀՊՃՀ (այժմ՝ ՀԱՊՀ) «Ռադիոսարքավորումների կոնստրուկտավորում և արտադրություն» ամբիոնի վարիչ:

2016 թվականից ՀԱՊՀ «Կապի համակարգեր» ամբիոնի վարիչն է:

2011 թվականից «Ֆոտոէլեկտրոնային սարքեր կապի օպտիկական համակարգերում» բազային գիտահետազոտական լաբորատորիայի ղեկավարն է:

Ղեկավարել մի շարք միջազգային և հանրապետական գիտական նախագծեր:

ՆԱՏՕ-ն հանուն խաղաղության և անվտանգության ծրագրի շրջանակում կազմակերպել է միջազգային գիտաժողով:

Ատենախոսությունների պաշտպանության մասնագիտական խորհրդի և ՀԱՊՀ «ԼՐԱԲԵՐ» հանդեսի խմբագրական խորհրդի անդամ է:

1981 թվականին ստացել է ֆիզիկամաթեմատիկական գիտությունների թեկնածուի գիտական աստիճան:

2005 թվականին՝ տեխնիկական գիտությունների դոկտորի գիտական աստիճան:

2013-2016 թվականներին ընդգրկված է եղել ՀՀ 100 արդյունավետ գիտաշխատողների ցանկում:

Պարգևատրվել է ՀԱՊՀ ոսկե մեդալով:

2013 թվականին արժանացել է «Տեխնիկական գիտություններ ու ինֆորմացիոն տեխնոլոգիաներ» ասպարեզում

ՀՀ նախագահի մրցանակի:

2014 թվականին՝ ՀՀ վարչապետի շնորհակալագրի:

Ունի ներհամալսարանական շնորհակալագրեր, վաստակագրեր:

Ստացել է լավագույն ուսումնական ձեռնարկների երկու առաջին մրցանակ, «Տարվա լավագույն գիտական աշխատանքի» երրորդ մրցանակ:

100-ից ավելի գիտական հոդվածների, 7 գյուտի և տասնյակ գիտամեթոդական ձեռնարկների հեղինակ է:

Միջազգային հարթակներում հանդես է եկել 30 զեկուցումներով:

«Advanced Sensors for Safety and Security, DOI 10.1007/978-94- 007-7003- 4,  Springer 2013» ժողովածուի համախմբագիր է: Ժողովածուի երկու գլուխների հեղինակ է: