Գագիկ Վարդանի Մուսայելյանը ծնվել է 06.04.1959թ. ՀՀ Տավուշի մարզի Արճիս գյուղում: 1976թ.-ին ավարտել է Արճիսի միջնակարգ դպրոցը: 1976-81թթ. սովորել և ավարտել է Երևանի Կ. Մարքսի անվան Պոլիտեխնիկական ինստիտուտի (ԵրՊԻ) Մեխանիկամեքենաշինական ֆակուլտետը, «Ավտոմոբիլներ և տրակտորներ» մասնագիտությամբ: Ուսումնառության ընթացքում ստացել է անվանական (Լենինյան) կրթաթոշակ: 1981-84թթ. – սովորել է ԵրՊԻ-ի Նյութերի դիմադրության ամբիոնի ցերեկային ուսուցման ասպիրանտուրայում:
1984թ. նշանակվել է աշխատանքի ԵրՊԻ-ի «Ավտոմոբիլներ և Ճանապարհա-շինարարական մեքենաներ, սարքավորումներ» ամբիոնում՝ որպես ասիստենտ:
1986թ․ Բելոռուսիայի պոլիտեխնիկական ինստիտուտում պաշտպանել է թեկնածուական ատենախոսությունը և ստացել տեխնիկական գիտությունների թեկնածուի գիտական աստիճան:
1988-89թթ – ԽՍՀՄ ԲևՄՄԿ նախարարության ուղեգրով իրականացրել է 10 ամիս ժամկետով գիտական գործուղում Դրեզդենի տեխնիկական համալսարանում:
1989-90թթ. աշխատել է ԵրՊԻ-ի Տրանսպորտային ֆակուլտետի դեկանի գի-տական գծով տեղակալ:
1990թ.-ին ստացել է դոցենտի գիտական կոչում:
1990-1994թթ. աշխատել է ԵրՊԻ-ի Տրանսպորտային ֆակուլտետի դեկանի պաշտոնում:
1994թ.-ից մինչև 2006թ. աշխատել է որպես Հայաստանի պետական ճարտարագիտական համալսարանի (Պոլիտեխնիկ) Տրանսպորտային համակարգերի դեպարտամենտի վարիչ: Նույն ժամանակահատվածում, համատեղությամբ, իրականացրել է նաև Ավտոմոբիլների սեկտորի վարիչի պարտականությունները:
2006թ. ընտրվել է Ավտոմոբիլների ամբիոնի վարիչի պաշտոնում:
2007թ. հոկտեմբերից մինչև 2016թ. եղել է Տրանսպորտային համակարգերի ֆակուլտետի դեկանը: 2007թ․ մինչև 2011թ. համատեղությամբ կատարել է նաև Ավտոմոբիլների ամբիոնի վարիչի պարտականությունները: 2016թ․-ից առ այսօր Տրանսպորտային միջոցների ամբիոնի դոցենտ է։
2019թ. հոկտեմբերից ՀԱՊՀ Մեխանիկամեքենաշինական, տրանսպորտային համակարգերի և դիզայնի ինստիտուտի տնօրենի պաշտոնակատարն է։
1998թ. – 2001թ. մարտ ժամանակահատվածում եղել է Տասիս-Տեմպուս ծրագրի շրջանակներում կատարվող CP 20090_98 նախագծի պատասխանատու համակարգողը ՀՊՃՀ-ում:
2005-2010թթ․ եղել է ՀՊՃՀ կառավարման խորհրդի անդամ։
Հիմնական աշխատանքին զուգահեռ մասնակցել է համալսարանի ընդունելության կազմակերպման աշխատանքներին և զբաղեցրել պատասխանատու պաշտոններ.
- Երևանի Կ. Մարքսի անվան պոլիտեխնիկական ինստիտուտի (ԵրՊԻ) երեկոյան ուսուցման 1988թ. և 1990թ. ընդունելությունների պատասխանատու քարտուղարի տեղակալ,
- Հայաստանի պետական ճարտարագիտական համալսարանի (Պոլիտեխնիկ) Քոլեջի 1997թ. ընդունելության պատասխանատու քարտուղար,
- Բակալավրի կրթական ծրագրով 1998թ. ընդունելության համար ՀՀ Կ և Գ նախարարի լիազոր ներկայացուցիչ Զանգեզուրի (ք. Գորիս, ք. Կապան) տարածաշրջանում,
- Հայաստանի ազգային պոլիտեխնիկական համալսարանի 2017թ. ընդունելության պատասխանատու քարտուղար:
1995թ., 1998թ., 2001թ., 2005թ., 2008թ. և 2013թ. Գերմանական ակադեմիական փոխանակման ծառայության (DAAD) կողմից հատկացված կրթաթոշակներով կարճաժամկետ հետազոտական ծրագրեր է իրականացրել Դրեզդենի տեխնիկական համալսարանում (Գերմանիա):
2008թ., 2010թ., 2011թ., 2012թ. և 2018թ. մասնակցել է Ֆոլկսվագեն ընկերության «Սերվիս ակադեմիայի» /Ֆոլկսվագեն՝ մարդատար ավտոմոբիլներ/ և Ֆոլկսվագեն ընկերության «Որակավորման կենտրոնի» /Ֆոլկսվագեն՝ կոմերցիալ ավտոմոբիլներ/ կողմից կազմակերպված կարճաժամկետ վերապատրաստումներին: 2016թ. մասնակցել է Ֆոլկսվագեն ընկերության «Սերվիս ակադեմիայում» տեխնիկական մարզիչների համար կազմակերպված դասընթացներին և ստացել համապատասխան որակավորման վկայագիր:
ՀՊՃՀ հիմնադրման 70 ամյակի կապակցությամբ 2003թ. պարգևատրվել է ՀՀ նախագահի Շնորհակալագրով:
ՀՊՃՀ հիմնադրման 75 ամյակի կապակցությամբ 2008թ. պարգևատրվել է ՀՀ Կրթության և գիտության նախարարի Շնորհակալագրով:
Երկար տարիների բարեխիղճ և անբասիր աշխատանքի և Տրանսպորտային համակարգերի ֆակուլտետը պատշաճ մակարդակով ղեկավարելու համար 2016թ. պարգևատրվել է ՀԱՊՀ Վաստակագրով:
ՀԱՊՀ հիմնադրման 85 ամյակի կապակցությամբ 2018թ. պարգևատրվել է ՀԱՊՀ Ոսկե հուշամեդալով։
Գագիկ Մուսայելյանը հեղինակ է 75 հրատարակված գիտական աշխատանքի (դրանցից 4-ը հեղինակային իրավունք), ունի 1 դասագիրք, 8 ուսումնական ձեռնարկ և 11 մեթոդական ցուցումներ: Նրա ղեկավարությամբ պաշտպանվել են թեկնածուկան երկու ատենախոսություն:
Ամուսնացած է, ունի 2 որդի: