Գեղամ Սարգսի Կարոյանը ծնվել է 1981 թվականի փետրվարի 6-ին Վրաստանի Դիլիսկա գյուղում: 1998 թվականին ավարտել է Երևանի թիվ 46 միջնակարգ դպրոցը: 1998 թվականին ընդունվել է Հայաստանի պետական ճարտարագիտական համալսարան: 2002 թվականին ավարտել է ՀՊՃՀ Կիբեռնետիկայի ֆակուլտետի բակալավրի, 2004 թվականին՝ մագիստրոսի կրթական ծրագրով ուսուցումը:
Աշխատանքային գործունեությունը սկսել է 2003 թվականին ՀՊՃՀ Կիբեռնետիկայի ֆակուլտետի «Էլեկտրոնային տեխնիկա» ամբիոնում՝ որպես ավագ լաբորանտ:
2005-2006 թվականներին եղել է Գավառի պետական համալսարանի Բնագիտական ֆակուլտետի «Ինֆորմատիկա և հաշվողական տեխնիկա» ամբիոնի ասիստենտ:
2009-2013 թվականներին՝ ՀՊՃՀ Կիբեռնետիկայի ֆակուլտետի «Էլեկտրոնային տեխնիկա» ամբիոնի ասիստենտ:
2009-2010 թվականներին մասնակցել է ՀՊՃՀ Դասախոսների կատարելագործման կենտրոնում անցկացվող որակավորման բարձրացման դասընթացներին:
2011-2013 թվականներին եղել է Կիբեռնետիկայի ֆակուլտետի դեկանի տեղակալ` գիտական աշխատանքների գծով:
2013 թվականից առ այսօր «Էլեկտրոնային տեխնիկա» ամբիոնի դոցենտ է:
2013 թվականին մասնակցել է National Instruments կազմակերպության կողմից Հայկական ազգային ճարտարագիտական լաբորատորիաներում (ANEL) անցկացվող Multisim ծրագրային փաթեթի երապատրաստման դասընթացներին:
2017 թվականից առ այսօր Տեղեկատվական հաղորդակցման տեխնոլոգիաների և էլեկտրոնիկայի ինստիտուտի տնօրենի՝ ուսումնական գծով տեղակալն է:
2012 թվականից ԵրՊԻ-ՀՊՃՀ Շրջանավարտների ասոցիացիայի անդամ է:
2017 թվականից 038-Էլեկտրատեխնիկայի (Ե09.01) մասնագիտական խորհրդի անդամ է:
2008 թվականին ստացել է տեխնիկական գիտությունների թեկնածուի գիտական աստիճան:
2013 թվականին՝ դոցենտի գիտական կոչում:
2004 թվականին Հայաստանի պետական ճարտարագիտական համալսարանի և «Վարդանյանների ընտանիք» հիմնադրամի կողմից «Իոնային ազոտացման էլեկտրասնման աղբյուրի մշակումը և հետազոտումը» մագիստրոսական ատենախոսության համար ստացել է վկայագիր:
2013 թվականին Հայաստանի պետական ճարտարագիտական համալսարանի կողմից երկարամյա արդյունավետ աշխատանքային գործունեության և ՀՊՃՀ (Պոլիտեխնիկ) 80-ամյակի կապակցությամբ ստացել է շնորհակալագիր:
25 գիտական հոդվածների, 2 արտոնագրի, 8 մեթոդական և լաբորատոր աշխատանքների հեղինակ է:
Ամուսնացած է, ունի մեկ 1 երեխա: