Ջերմաէներգետիկա
«Ջերմաէներգետիկա և շրջակա միջավայրի պաշտպանություն» ամբիոն
Ջերմաէներգետիկա մասնագիտությամբ ձեռք բերված գիտելիքներն ու հմտությունները հնարավորություն կընձեռնեն շրջանավարտերին իրականացնել մասնագիտական գործունեություն ջերմաէներգետիկակական օբյեկտներում (շոգե և գազատուրբինային ջերմային էլեկտրակայաններում, ջերմության արտադրության, բաշխման և օգտագործման տեխնոլոգիական համակարգերում, գերատեսչական, նախագծակոնստրուկտորային և գիտահետազոտական կազմակերպություններում) ՝ նպատակաուղղված էներգաարդյունավետ ու հուսալի տեխնոլոգիաների և համակարգերի նախագծմանը, շահագործմանը և կատարելագործմանը:
Ջերմաէներգետիկա մասնագիտությունը պահանջարկված է ջերմային էներգետիկա, ատոմային էներգետիկա, արդյունաբերական ջերմաէներգետիկա, շրջակա միջավայրի պաշտպանություն էներգետիկայի ճյուղում, էներգիայի արտադրության, բաշխման և օգտագործման տեխնոլոգիաներ, Էներգախնայողական և էներգաարդյունավետ տեխնոլոգիաներ ճյուղերում և ոլորտներում:
Մասնագիտության շրջանավարտները կարող են աշխատել որպես՝
- ճարտարագետ-կոնստրուկտոր,
- ճարտարագետ-տեխնոլոգ,
- ճարտարագետ-շահագործող,
- մոնտաժող-կարգաբերող,
- էներգետիկ,
- էներգետիկ-էկոլոգ:
«Ջերմաէներգետիկա և շրջակա միջավայրի պաշտպանություն» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ, ինչպես Հայաստանում այնպես էլ նրա սահմաններից դուրս՝
- Երևանի «ՋԷԿ» ՓԲԸ,
- «ՀԱԷԿ» ՓԲԸ,
- Գազպրոմ «Հրազդան-5» հիմնարկ,
- «Հրազդանի ՋԷԿ» ԲԲԸ,
- «Հաշվարկային կենտրոն» ՓԲԸ,
- Հայաստանի էլեկտրաէներգահամակարգի «Օպերատոր» ՓԲԸ,
- «Հայատոմ ԳՀԻ»,
- ՀՀ Հանրային ծառայությունները կարգավորող հանձնաժողով,
- ՀՀ ԿԱ Միջուկային անվտանգության կարգավորման պետական կոմիտե,
- Հայաստանի վերականգնվող էներգետիկայի և էներգախնայողության հիմնադրամ,
- «Տեխատոմէներգո» ՓԲԸ,
- Հայաստանի ամերիկյան համալսարան,
- Ատոմային էներգետիկայի միջազգային գործակալություն (МАГАТЭ),
- Ռուսաստանի Դաշնության «Ազգային հետազոտական միջուկային համալսարան» (МИФИ):