Էլեկտրաէներգետիկա
«Էլեկտրաէներգետիկա» ամբիոնն
Ծրագրի նպատակ է՝ ձևավորել անհրաժեշտ գիտակրթական հենք և մասնագիտական ներուժ` Հայաստանում էներգետիկայի ոլորտում էլեկտրական էներգիաների արտադրության կազմակերպման և էներգետիկայի հետագա զարգացման համար, պատրաստել լայն պրոֆիլի ինժեներներ`տարբեր ֆունկցիոնալ նշանակության էներգետիկական տեղակայանքների և համակարգերի նախագծման, շահագործման, սպասարկման և փորձարկման համար: Ծրագրի իրականացման համար առկա են ուսումնական տարածքները, մասնագիտական լսարանները, լաբորատորիաները համապատասխան անհրաժեշտ սարքավորումներով ծրագրի մասնագիտական մոդուլների գծով:
Էլեկտրաէներգետիկա մասնագրտությունում առկա են երեք մասնագիտացումներ՝
- Էլեկտրաէներգետիկա,
- էլեկտրաէներգետիկական համակարգեր և ցանցեր,
- էլեկտրամատակարարում:
Էլեկտրաէներգետիկա մասագիտացմամբ ավարտած ուսանողը ի վիճակի է լուծել գործնական խնդիրներ, որոնք կապված են էլեկտրաէներգետիկական համակարգերի և ցանցերի նախագծմանը, կառուցմանը և շահագործմանը, ինչպես նաև արտադրված էլեկտրական էներգիան դեպի սպառիչները հասցնելու հետ կապված հարցեր:
էլեկտրաէներգետիկական համակարգեր և ցանցեր մասագիտացմամբ ավարտած ուսանողը ձեռք է բերում գիտելիքներ ժամանակակից էլեկտրաէներգետիկական համակարգերի և ցանցերի կառուցվածքային տարրերի, բնութագրերի, համակարգերում տեղի ունեցող ֆիզիկական գործընթացին, էլեկտրական ցանցերի ռեժիմների հաշվարկների մեթոդների, հմտություններ էլեկտրաէներգետիկական համակարգերի և էլեկտրական ցանցերի նախագծման տեխնիկատնտեսական հիմունքներին:
էլեկտրամատակարարում մասագիտությամբ ավարտած ուսանողը ձեռք է բերում գիտելիքներ էլեկտրամատակարարման համակարգում (ԷՄՀ) օգտագործվող էլեկտրաընդունիչների և դրանց դասակարգման, էլեկտրական բեռնվածությունների հաշվարկման եղանակների, ենթակայանների ընտրության, դրանց միացման սխեմաների, բարձր և ցածր լարման կոմուտացիոն և պաշտպանական սարքերի վերաբերյալ:
Հայաստանի ազգային պոլիտենիկական համալսարանի «Գերազանցության» կենտրոնի և աշխարհահռչակ ֆրանսիական Schneider Electric ընկերության, «Տաշիր» ընկերությունների համատեղ գործունեության շնորհիվ հնարավոր է պատրաստել արհեստավարժ մասնագետներ «էլեկտրաէներգետիկական համակարգեր և ցանցեր», « Էլեկտրամատակարարում» մասագիտությամբ:
Գերազանց առաջադիմություն ունեցող ուսանողները ստանում են անվանական կրթաթոշակ «Տաշիր» բարեգործական հիմնադրամի կողմից 250000 դրամ(500 $) ամսական:
«Էլեկտրաէներգետիկա» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- «էներգետիկայի գիտահետազոտական ինստիտուտ» ՓԲԸ,
- «Երևանի ՋԷԿ» ՓԲԸ,
- «Երքաղլույս» ՓԲԸ,
- «Հայաստանի էլեկտրական Ցանցեր» ՓԲԸ,
- «Կարեն Դեմիրճյանի անվան Երևանի Մետրոպոլիտեն» ՓԲԸ,
- «ՄԷԿ» ՓԲԸ,
- «ՀՀ էներգետիկայի և բնական պաշարների նախարարության հաշվարկային կենտրոն» ՓԲԸ,
- «Էլեկտրաէներգետիկական Համակարգի Օպերատոր» ՓԲԸ,
- «Էներգանորոգում» ՓԲԸ,
- «Տեք-Կոնստրաքտ» ՓԲԸ,
- «ԴԻ ՕՀՄ ԷՆԵՐՋԻ» ՍՊԸ: