Տնտեսագիտություն տրանսպորտի ճյուղում
Նշված կրթական ծրագրով ուսումնառության ընթացքում ուսանողները ձեռք են բերում տեսական գիտելիքներ և գործնական կարողություններ ու հմտություններ քաղաքացիական ավիացիայի ձեռնարկությունների, ավիաընկերությունների և օդանավակայանների կառավարման, դրանց գործունեության վերլուծության, պլանավորման վերաբերյալ, որոնք անհրաժեշտ են այդ ընկերությունների ֆինանսական, մարքեթինգային կառավարման, ռիսկայնության աստիճանի գնահատման, օպտիմալ որոշումների ընդունման տեսանկյունից: Վերը նշված հմտություններն ու կարողությունները անհրաժեշտ են հենք շրջանավարտների հետագա մասնագիտական գործունեության արդյունավետ իրականացման և մասնագիտական առաջընթացի համար:
Շրջանավարտները կարող են աշխատել ավիացիոն բնագավառի և հարակից բնագավառների կազմակերպություններում, որոնք զբաղվում են քաղավիացիայի օդանավերի սպասարկումով և շահագործումով, օդանավակայաններում, ապահովագրական և տուրիստական ընկերություններում:
Լավագույն շրջանավարտները ներկայումս հաջողությամբ աշխատում են հեևյալ կազմակերպություններում՝
- ՀՀ Քաղաքացիական ավիացիայի կոմիտեյում,
- Ֆինանսների նախարարությունում,
- Զվարթնոց միջազգային օդանավակայանում,
- ՍԻԼ Ինշուրանս ապահովագրական ընկերություններում,
- Չեխիայի Հանրապետության Զլին քաղաքի օդանավակայանում և այլն:
Ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- ՀՀ Քաղաքացիական ավիացիայի կոմիտե,
- Արմենիա միջազգային օդանավակայաններ ՓԲԸ,
- Հայաէրոնավիգացիա ՓԲԸ,
- Արմենիա Ավիաընկերություն, Արմենիա Էյրվեյզ,
- Ֆլայ Արմենիա Էյրվեյզ,
- Ինգոարմենիա ապահովագրական ՓԲԸ: