Հոկտեմբերի 6-ին Պոլիտեխնիկի 1301 լսարանում ժամը 14:30 տեղի կունենա միասնական դաս՝ Անկախ պետությունների համագործակցության (ԱՊՀ) Տնտեսական խորհրդի 2020 թվականի սեպտեմբերի 10-ի որոշմամբ հաստատված միջոցառումների ծրագրով՝ նվիրված ԱՊՀ 30-ամյակին:
Դասի նպատակն է ուսանողական համայնքին ծանոթացնելու ԱՊՀ-ի ստեղծման և հետխորհրդային տարածքում որպես խոշորագույն ինտեգրացիոն կազմակերպության աշխատանքների և խնդիրների մասին, ԱՊՀ անդամ պետությունների ժամանակակից զարգացման գործում համագործակցության, գործունեության հիմնական ուղղությունների և դերի մասին:
Դասի կարևորագույն խնդիրներից են հանդիսանում ուսանողական համայնքի շրջանում պատկերացումների ձևավորումը ԱՊՀ- ի անդամ պետությունների համակողմանի և համաչափ զարգացման և տարբեր ոլորտներում նրանց միջև առկա համագործակցությանը նպաստող ինտեգրացիոն կառույցի աշխատանքի հիմնական նպատակների և ուղղությունների, ինչպես նաև վեճերի և հակամարտությունների լուծմանն ու տարածաշրջանային անվտանգության ապահովմանը միտված գործողությունների վերաբերյալ:
Միասնական դասի շրջանակներում Պոլիտեխնիկը կհյուրընկալի ներկայացուցիչների «Մոսկվայի տուն» մշակութային գործարար կենտրոնից, ինչպես նաև «Ռուսկի դոմ» Ռուսաստանի գիտության և մշակույթի կենտրոնից: