Հայաստանի ազգային ճարտարագիտական լաբորատորիաները սույն թվականի հոկտեմբերի 29-ից նոյեմբերի 2-ը հյուրընկալել էին Տավուշի մարզի COAF Smart կենտրոնի Կոթիի ռոբոտաշինության խմբակի սաներին:
Պատանիներին հնարավորություն էր ընձեռնվել մեկ շաբաթ անընդմեջ անցնել վերապատրաստման դասընթացներ, ձեռք բերել բազում նոր գիտելիքներ և էլ ավելի զարգացնել և ամրապնդել իրենց ունակությունները:
Մեկ շաբաթյա հագեցած ծրագրի շրջանակներում պատանիները սովորեցին աշխատել LabVIEW ծրագրային միջավայրում, ուսումնասիրեցին էլեկտրական տարրերի աշխատանքի սկզբունքները, փորձեցին տարբեր բարդության շղթաներ հավաքել ու չափումներ իրականացնել, ինչպես նաև ծանոթացան Arduino սարքին և դրա ծրագրային ապահովմանը:
ՀԱՃԼ կրթական ինժեներների հետ միասին նրանք հնարավորություն ունեցան ոչ միայան մասնակցել դասընթացների, այլև ծանոթանալ Հայաստանի ազգային պոլիտեխնիկական համալսարանին և նրա ենթակառուցվածքներին, այցելեցին անօդաչու թռչող սարքերի լաբորատորիա, Երևանի Ինժեներական քաղաք և Գիտությունների թանգարան:
Հույս ունենք, որ Պոլիտեխնիկում անցկացրած այս մեկ շաբաթnիր ուրույն դերը կունենա մասնագիտության ճիշտ ընտրության հարցում: Իսկ մենք սիրով կսպասենք մեր ապագա ինժեներներին:
