Շինությունների էլեկտրամատակարարման քոմփյութերային նախագծում
Ներկայումս տեխնոլոգիաների զարգացման արդյունքում բնակելի, հասարակական և արդյունաբերական շենքերի էլեկտրական սարքավորումների ցանկն ընդլայնվում է, ինչի հետևանքով մեկ շինությունում կարող են հատվել երկու կամ երեք ենթակառուցվածքային ենթահամակարգերը: Նման շինությունների Էլեկտրամատակարարման համակարգի անվտանգությունը, գործառնական համապատասխանությունն առկա նորմերին և ստանդարտներին հնարավոր է ապահովել ավտոմատացված նախագծման միջոցով: Հաշվի առնելով ՀՀ-ում տարբեր նշանակության շենքերի և շինությունների աճող ծավալները առավել կարևորվում է էլեկտրամատակարարմանը ներկայացվող նորմատիվ փաստաթղթերին, ստանդարտներին և ժամանակակից գործիքամիջոցներին տիրապետող բարձրորակ մասնագետների պատրաստումը:
Կրթական ծրագրի նպատակն է պատրաստել հասարակության և գործատուների պահանջներին համապատասխան բակալավրիատի բարձր որակավորում ունեցող շրջանավարտներ, ովքեր ունեն հիմնարար և կիրառական գիտելիքներ, հմտություններ և ունակություններ` լուծելու շենքերի և շինությունների էլեկտրամատակարարման ավտոմատացված նախագծման ինժեներական խնդիրները, դրանով իսկ նպաստելով ոլորտի կայուն բարձր տեխնոլոգիական զարգացմանը:
Շրջանավարտները ձեռք են բերում հետևյալ կոմպետենցիաները.
- կիրառել մաթեմատիկայի, բնական գիտությունների, էլեկտրատեխնիկայի և ճարտարագիտության գիտելիքներն ու մեթոդները տարբեր նշանակության շենքերի և շինությունների էլեկտրամատակարարման նախագծման խնդիրների լուծման համար,
- պլանավորել և կատարել շինությունների էլեկտրամատակարարման համակարգերի նախագծման տվյալների հավաքագրում և վերլուծություն,
- ընտրել էլեկտրամատակարարման համակարգերի բնորոշ նախագծային լուծումներ,
- կատարել էլեկտրական սարքավորումների, լուսավորման և ուժային կայանքների պաշտպանության սարքերի, մալուխների տնտեսապես իրագործելի պարամետրերի ընտրություն՝ հաշվի առնելով տեխնիկական սահմանափակումները,
- կիրառել մոդելավորման, մասնագիտական քոմփյութերային փաթեթներ, օպտիմալ որոշումների ընդունման մեթոդներ էլեկտրամատակարարման տնտեսության մասնագիտական խնդիրների լուծման համար:
- կիրառել նորմատիվ փաստաթղթերը էլեկտրամատակարարման համակարգի և նրա բաղադրիչների նախագծման համար:
- կազմել որոշումների և ձեռք բերված արդյունքների մասին հաշվետվություն,
Շրջանավարտները կարող են իրականացնել հետևյալ մասնագիտական գործունեությունը.
- նախագծակոնստրուկտորական,
- տեխնոլոգիական,
- կազմակերպչակառավարչական,
- հետազոտական,
- տեղակայման և կարգավորման,
- շահագործման և սպասարկման:
Շինությունների էլեկտրամատակարարման քոմփյութերային նախագծում կրթական ծրագրերով սովորողների արտադրական և նախաավարտական պրակտիկաները կանցակացվեն ներքոնշյալ կազմակերպություններում՝
- «ԴԻ Օհմ Էներջի» ՍՊԸ,
- «Թրաենգլ» ՍՊԸ,
- «Տ-Քնսթրաքշեն » ՓԲԸ,
- «ՎՈԼԻՈՍ» նախագծային ինստիտուտ,
- «Էկրա Կովկաս» ՍՊԸ: