ՊՈԼԻՏԵԽՆԻԿԸ ՄԱՍՆԱԿՑՈՒՄ Է DIGITECEXPO-2017 ՏԵԽՆՈԼՈԳԻԱԿԱՆ ՑՈՒՑԱՀԱՆԴԵՍԻՆ

digtec«Երևան ԷՔՍՊՈ» կենտրոնում (Մերգելյան ինստիտուտի տարածք) ս.թ. սեպտեմբերի 29-ից հոկտեմբերի 1-ը կկայանա ամենամյա «Դիջիթեք-2017» տեխնոլոգիական ցուցահանդեսը։

Ցուցահանդեսի բացմանը ներկա կլինեն ՀՀ Նախագահ Սերժ Սարգսյանը, Հայաստանի Հանրապետության ՏՏ ոլորտի ընկերությունների,  տարբեր կազմակերպությունների և կրթական հաստատությունների ղեկավարներ, պատասխանատու աշխատողներ։ Ցուցահանդեսին կմասնակցեն ՏՏ ոլորտում հայտնի կազմակերպություններ և բարձրագույն ուսումնական հաստատությունները։

Հայաստանի ազգային պոլիտեխնիկական համալսարանը (ՀԱՊՀ) հանդես կգա առաջին հարկում գտնվող «Ինժեներական քաղաք» ընդհանուր տաղավարում, որը բաժանված է 5 նորարար տեխնոլոգիական ուղղությունների։ Նշված ուղղություններում ներկայացվելու են նաև Պոլիտեխնիկի ուսանողների նախագծերը, ստեղծագործական աշխատանքները։

Ցուցահանդեսի հիմնական բաժիններն են`

  • Կոմպլեքս ինժեներական լուծումներ
  • ՏՏ սարքավորումներ և համակարգեր
  • Ծրագրային և վեբ լուծումներ
  • Հեռահաղորդակցության և ցանցային լուծումներ
  • Բջջային տեխնոլոգիաներ և հավելվածներ
  • Խաղային տեխնոլոգիաներ և մուլտիմեդիա
  • Տեխնոլոգիական լուծումներ բիզնեսի համար

Կանցկացվեն նաև մի շարք սեմինարներ տեղական և միջազգային ընկերությունների կողմից։

Դիջիտեք ցուցահանդես կայցելեն պաշտոնական պատվիրակություններ և մասնակիցներ Ճապոնիայից, Չինաստանից, Հնդկաստանից, ԱՄՆ–ից, Կանադայից, Անգլիայից, ՌԴ–ից, Շվեդիայից, Ավստրիայից, Գերմանիայից, Հունաստանից, Լատվիայից, Լիտվայից, Բելառուսից, Ուկրաինայից, Վրաստանից և այլն։

Հավելյալ տեղեկությունների և օրակարգին ծանոթանալու համար այցելեք www.digitec.am կայք կամ ներբեռնեք DigiTec Expo բջջային հավելվածը։

Ցուցահանդեսը ավանդաբար անց է կացվում ՀՀ վարչապետի բարձր հովանու ներքո։

Կազմակերպիչ` Ինֆորմացիոն տեխնոլոգիաների ձեռնարկությունների միություն:

Պլատինե հովանավոր` Ucom ընկերություն:

Հովանավոր` Արփինետ ընկերություն։

Պաշտոնական գործընկեր` Dahua Technology ընկերություն (Չինաստան), «Աջակցություն ՓՄՁ զարգացմանը Հայաստանում» ծրագիր։