Մագիստրոս-2018
Հեռակա ուսուցմամբ դիմորդների փաստաթղթերն ընդունվում են ս.թ. սեպտեմբերի 3-ից մինչև սեպտեմբերի 25-ը
յուրաքանչյուր օր (բացի շաբաթ և կիրակի օրերից) ժամը 10:00-ից մինչև 17:00-ը
Հայաստանի ազգային պոլիտեխնիկական համալսարան հեռակա ուսուցմամբ մագիստրատուրա, վճարովի (առանց տարկետման իրավունքի) մրցութային հիմունքներով կարող են ընդունվել այն անձինք, ովքեր ունեն բակալավրի, դիպլոմավորված մասնագետի կամ մագիստրոսի որակավորման աստիճան:
Դիմորդը դիմում-հայտի հետ միասին ներկայացնում է՝
1. դիմում համալսարանի ռեկտորի անունով,
2. բակալավրի, դիպլոմավորված մասնագետի կամ մագիստրոսի դիպլոմների և դրանց ներդիրների բնօրինակը և պատճենը,
3. երաշխավորագիր,
4. 4 լուսանկար (3×4սմ),
5. անձնագիր (բնօրինակ և պատճեն),
6. փաստաթուղթ զինվորական ծառայության առնչության մասին (բնօրինակ և պատճեն),
7. սահմանված կարգով հաստատված տպագրված գիտական աշխատությունների ցուցակ (առկայության դեպքում):
Մագիստրատուրայի ընդունելությունը իրականացվում է ՀՀ Կրթության և գիտության նախարարի համապատասխան հրամանով՝ «ՀՀ բարձրագույն ուսումնական հաստատություններում մագիստրատուրայի ընդունելության և ուսուցման կարգ»-ի համաձայն:
Հեռակա մագիստրատուրայի ընդունելության մրցույթն իրականացվում է ըստ կրթական ծրագրերի՝ հետևյալ չափանիշների առաջնահերթությամբ.
1. նախորդ ուսումնառության արդյունքում ցուցաբերած ընդհանուր առաջադիմության միջին որակական գնահատական (ՄՈԳ),
2. մասնագիտական առարկաներից ցուցաբերած առաջադիմության միջին որակական գնահատական,
3. տպագրված գիտական աշխատանքների թիվը: