Միջին մասնագետ-2018
Հայաստանի ազգային պոլիտեխնիկական համալսարանի
Պոլիտեխնիկ Քոլեջի
2018/2019 ուսումնական տարվա ընդունելության
ԱՐԴՅՈՒՆՔՆԵՐ
Դիմորդների փաստաթղթերն ընդունվում են 2018թ. հուլիսի 23-ից մինչև օգոստոսի 25-ը ժամը 17:00-ը ներառյալ (բացի շաբաթ և կիրակի օրերից)
Ընդունելության մրցույթն իրականացվում է օգոստոսի 28-ին և հրապարակվում է արդյունքների ամփոփումից անմիջապես հետո:
Քոլեջում սովորել ցանկացողների դիմում-հայտերի ընդունելությունը կատարվելու է Պոլիտեխնիկական համալսարանի 2-րդ մասնաշենքի 2-րդ հարկի ճեմասրահում:
1. Դիմորդը` Համալսարանի Ընդունող hանձնաժողովին անձամբ, իսկ անչափահաս լինելու դեպքում օրինական ներկայացուցչի (ծնողի, որդեգրողի կամ հոգաբարձուի) հետ ներկայացնում է հետևյալ փաստաթղթերը`
ա) դիմում,
բ) 4 լուսանկար (3×4 չափսի),
գ) կրթության մասին փաստաթղթի բնագիրը և պատճենը,
դ) անձը հաստատող փաստաթուղթ (անձնագիր, կամ ծննդյան վկայական՝ մինչև 16 տարեկան դիմորդի համար, կամ զինվորական գրքույկ, կամ Հայաստանի Հանրապետության կառավարությանն առընթեր ՀՀ ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական),
ե) 8-րդ կետով սահմանված արտոնություններից օգտվող դիմորդները ներկայացնում են ընդունելության արտոնության իրավունքը հաստատող փաստաթուղթ (առկայության դեպքում),
Դիմորդների ընդունելությունն իրականացվում է ՀՀ ԿԳ նախարարի 2018թ. հուլիսի 09-ի «ՀԱՊՀ միջին մասնագիտական կրթական ծրագրով 2018թ. ընդունելության տեղերը հաստատելու մասին» թիվ 675-Ա/2 հրամանի:
2. Ընդունելության գործընթացի կազմակերպման և անցկացման համար, նախապես վճարվում է 1000 (մեկ հազար) ՀՀ դրամ: Անկախ մրցույթին մասնակցելուց և ընդունելության արդյունքից՝ վճարված գումարը դիմորդին հետ չի վերադարձվում: Սահմանված վճարներից ազատվում են 8-րդ կետով նախատեսված արտոնություններ ունեցողները:
3. Դիմորդը կարող է դիմել մինչև 2 մասնագիտության հայտագրմամբ՝ մրցույթի առաջին հայտի գերակայության սկզբունքով, անվճար և վճարովի ուսուցման հիմունքով: Մինչև 19 տարեկան դիմորդները լրացնում են միայն անվճար տեղերի հայտեր:
4. Հիմնական կրթության հիմքով ուսման վարձի փոխհատուցման տեղում՝ մրցութային հիմունքով ընդունվում են մինչև 19 տարեկան դիմորդները, անվճար ուսուցմամբ թափուր տեղերի առկայության դեպքում նոր միայն 19 տարեկանից բարձր տարիք ունեցողները:
5. Օտարերկրացիներն` իրենց ընտրությամբ, Հաստատություն կարող են ընդունվել միայն վճարովի համակարգ կամ ՀՀ կառավարության կողմից սահմանված կարգով:
6. ՀՀ երկքաղաքացիները և ազգությամբ հայ օտարերկրացիները կարող են դիմել ընդհանուր հիմունքներով կամ օտարերկրացիների համար ՀՀ կառավարության սահմանած կարգով` իրենց ընտրությամբ:
7. Ընդունելությունն իրականացվում է առանց ընդունելության քննությունների` մրցութային հիմունքով՝ ավարտական փաստաթղթի գնահատականների միջին թվաբանականի և մրցութային առարկաների գնահատականների ընդհանուր առավելագույն գումարի հիման վրա:
8. Ընդունելության մրցույթից դուրս, պահուստային տեղերի հաշվին ընդունվում են` «Առանց ծնողական խնամքի մնացած երեխաների սոցիալական պաշտպանության մասին» ՀՀ օրենքի 7-րդ, «ՀՀ հաշմանդամների սոցիալական պաշտպանության մասին» ՀՀ օրենքի 14-րդ, «Զինծառայողների և նրանց ընտանիքների անդամների սոցիալականապահովության մասին» ՀՀ օրենքի 37-րդ հոդվածներով, ՀՀ կառավարության 1999թ. օգոստոսի 27-ի «ՀՀ միջին մասնագիտական պետական ուսումնական հաստատություններում դիմորդների ընդունելության արտոնությունները սահմանելու մասին» N 545 որոշման պահանջներին, ինչպես նաև ՀՀ օրենսդրությամբ սահմանված համապատասխան արտոնություններ ունեցող դիմորդները:
9. Թափուր տեղերի առկայության դեպքում մրցութային հիմունքով կարող է ընդունվել ընթացիկ տարում այլ մասնագիտական ուսումնական հաստատություն մրցույթով չանցած այն դիմորդը, ով մինչև տվյալ ուսումնական տարվա օգոստոսի 31-ը ներառյալ կներկայացնի պահանջված փաստաթղթերը:
10. Բարձր առաջադիմություն (միայն լավ և գերազանց գնահատականներ) ցուցաբերած շրջանավարտները կարող են կրթությունը շարունակել բարձրագույն ուսումնական հաստատություններում համապատասխան մասնագիտությամբ՝ հեռակա ուսուցմամբ երկրորդ կուրսից:
Ներկայացված է Պոլիտեխնիկի Քոլեջի 2018 թվականի ընդունելության գովազդային բուկլետը «Միացիր Պոլիտեխնիկական ընտանիքին» խորագրով:
Բուկլետում ներկայացված է անհրաժեշտ տեղեկատվությունը Պոլիտեխնիկի Քոլեջի 2018/19 ուստարվա ընդունելության վերաբերյալ:
Պոլիտեխնիկի Քոլեջը իրականացնում է միջին մասնագիտական կրթության ծրագրեր հետևյալ մասնագիտություններով՝
- Ավտոմոբիլային տրանսպորտի տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
- Կապի ցանցեր և հաղորդակցման համակարգեր (ուսման տևողությունը` 3 տարի 6 ամիս, որակավորումը` տեխնիկ)
- Ռադիոէլեկտրոնային տեխնիկայի տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
- Հաշվողական տեխնիկայի և ավտոմատացված համակարգերի ծրագրային ապահովում (ուսման տևողությունը` 4 տարի, որակավորումը`տեխնիկ ծրագրավորող)
- Բժշկական տեխնիկայի տեղակայում, տեխնիկական սպասարկում և նորոգում (ուսման տևողությունը` 4 տարի, որակավորումը` տեխնիկ)
- Համակարգչային գեղարվեստական նախագծում (ուսման տևողությունը` 3 տարի, որակավորումը` Վեբ-դիզայներ)
- Գործավարություն՝ օտար լեզվի խորացված իմացությամբ (ուսման տևողությունը` 4 տարի, որակավորումը` գործավար)
- Արդյունաբերական և քաղաքացիական շենքերի էլեկտրական սարքավորումների տեղակայում, կարգավորում և շահագործում (ուսման տևողությունը` 4 տարի, որակավորումը` տեխնիկ)
- Քիմիական միացութունների որակի անալիտիկ հսկում (ուսման տևողությունը` 4 տարի, որակավորումը` տեխնիկ)
Քոլեջի նպատակն է՝ ապահովել որակյալ և ժամանակի պահանջներին համապատասխան կրթություն: Մեզ մոտ ձևավորված է սովորելու և մշտապես կատարելագործվելու առողջ միջավայր: Քոլեջն առաջարկում է համակցված ծրագրեր, որոնք զարգացնում են սովորողի տրամաբանական, ստեղծագործական և վերլուծական մտածողությունը, խթանում թիմային աշխատանքի ունակությունը: Կրթական բարձրակարգ ծառայությունները մատուցվում են շնորհիվ փորձառու նվիրյալ դասախոսների, որոնցից շատերը պոլիտեխնիկական համալսարանի պրոֆեսորադասախոսական կազմից են: