Ուզբեկստանի Հանրապետության նախաձեռնությամբ մեկնարկել է գիտական հոդվածների միջազգային մրցույթ «Օզոնային շերտը և կյանքը Երկրի վրա» թեմայով։
Մրցույթին կարող են մասնակցել թեմայով հետաքրքրված հետազոտողները:
Մրցույթում կընդունվեն գիտական այն հոդվածները, որոնք հրապարակված կլինեն կայքէջերում և (կամ) գիտական հրատարակություններում:
Մրցույթն անցկացվելու է երկու անվանակարգով.
- խնդրին առնչվող լավագույն հոդված Կենտրոնական Ասիայի մասով,
- խնդրին առնչվող լավագույն հոդված:
Յուրաքանչյուր անվանակարգում որոշվելու է երկու հաղթող (մեկ կին և մեկ տղամարդ հետազոտող): Երկու անվանակարգերում էլ հաղթողները կստանան դյուրակիր համակարգիչ (Notebook): Մրցույթի արդյունքները կամփոփվեն 2022 թվականի սեպտեմբերի 16-ին՝ Օզոնային շերտի պահպանության միջազգային օրը:
Հայտերի ներկայացման վերջնաժամկետն է 2022 թ.-ի հուլիսի 31-ը:
Մրցույթին մասնակցության և հայտերի լրացման վերաբերյալ մանրամասն տեղեկատվությանը կարող եք ծանոթանալ կից առդիրից: