Հայաստանի ազգային պոլիտեխնիկական համալսարանը սիրով հրավիրում է Ձեզ մասնակցելու Բրիտանական խորհրդի կողմից ֆինանսավորվող «Ստեղծարար միտք» (“Creative Spark”) դրամաշնորհային ծրագրի շրջանակներում կազմակերպվող «Ստեղծի´ր ինքդ» անվճար դասընթացների շարքին, որը տեղի կունենա 2021 թվականի դեկտեմբերի 6-ից 14-ը ՀԱՊՀ-ում` որպես «Ինչպե՞ս սկսել ձեր սեփական բիզնեսը և ստարտափը» անվճար դասընթացների շարքի հաջորդ փուլ: Համագործակցությունն իրականացվում է Հայաստանի ազգային պոլիտեխնիկական համալսարանի և Միացյալ Թագավորության Սաութհեմփթոնի համալսարանի միջև։
«Ստեղծի´ր ինքդ» անվճար բիզնես դասընթացի նպատակն է խթանել ձեռնարկատիրության գաղափարը ՀԱՊՀ ուսանողների և այլ շահառուների շրջանում:
Հետաքրքրված խմբերին և անձանց հրավիրում ենք մասնակցել դասընթացին և ներկայացնել իրենց գաղափարները: Խմբերը հնարավորություն կունենան նաև մասնակցել վերջին՝ եզրափակիչ մրցույթին, որի աշխատանքային լեզուն կլինի անգլերենը և տեղի կունենա մարտ-մայիս ամիսներին:
Դասընթացի վերջում մասնակիցները կնկարահանեն 1-2 րոպեանոց տեսահոլովակ՝ ներկայացնելով ստարտափ գաղափարը ժյուրիին, որը կգնահատի՝
- մտքի ստեղծարարությունը,
- խմբի պրոֆեսիոնալությունը,
- գաղափարի նորարար լինելը:
Դիմելու վերջնժամկետն է՝ ս.թ. դեկտեմբերի 4-ը:
Հետաքրքրված անձինք կարող են անցնել հղումով և գրանցվել: Այլ հարցերի դեպքում զանգահարել (+374) 10 56 74 25 / (+374) 98 12 12 94 կամ նամակ ուղարկել հետևյալ էլ. հասցեներին [email protected] , [email protected]: