Գագիկ Տիգրանի Կիրակոսյանը ծնվել է 1955 թվականին։ 1972-1977 թվականներին սովորել է Երևանի Կ. Մարքսի անվան պոլիտեխնիկական ինստիտուտում։ 1979-1982 թվականներին սովորել է Մոսկվայի պետական տեխնոլոգիական համալսարանի (МГТУ) ասպիրանտուրայում։ 1987-1988 թվականներին վերապատրաստվել է Վիեննայի տեխնիկական համալսարանի (Ավստրիա) գործողությունների հետազոտման ամբիոնում, 2001 թվականին` Վիեննայի համալսարանի (Ավստրիա) լոգիստիկայի ամբիոնում:
Աշխատանքային գործունեությունը սկսել է 1977 թվականին Երևանի Կ. Մարքսի անվան «Քոմփյութերային համակարգեր և ցանցեր» ամբիոնում` որպես ասիստենտ, ապա դոցենտ:
2001 թվականից առ այսօր Հայաստանի ազգային պոլիտեխնիկական համալսարանի «Քոմփյութերային համակարգեր և ցանցեր» ամբիոնի վարիչն է:
2002 թվականից առ այսօր Վիեննայի համալսարանի (Ավստրիա) լոգիստիկայի ամբիոնի հրավիրված պրոֆեսոր է:
2011 թվականից առ այսօր Մյունխենի ռազմական համալսարանի (Գերմանիա) գործողությունների հետազոտման ամբիոնի հրավիրված պրոֆեսոր է:
1998 թվականից «Մասնագիտական և ձեռնարկատիրական կողմնորոշման միություն» հասարակական կազմակերպության նախագահն է։
1999 թվականից «Հայաստանի ճարտարագիտական ակադեմիա» հասարակական կազմակերպության ակադեմիական խորհրդատու և թղթակից անդամ է։
1993 թվականին ստացել է տեխնիկական գիտությունների թեկնածուի գիտական աստիճան։
1986 թվականին` «Հաշվողական տեխնիկա» մասնագիտության դոցենտի գիտական կոչում։
2001 թվականին` տեխնիկական գիտությունների դոկտորի գիտական աստիճան։
2011 թվականին` «Ինֆորմատիկա, հաշվողական տեխնիկա և ավտոմատացում» բնագավառի պրոֆեսորի գիտական կոչում։
1983 թվականին եղել է ԽՍՀՄ ժողովուրդների նվաճումների ցուցահանդեսի դիպլոմանտ։
1987 թվականին գիտության և տեխնիկայի բնագավառում արժանացել է ԽՍՀՄ Լենինյան կոմերիտմիության մրցանակի։
2003 և 2008 թվականներին` ՀՊՃՀ վաստակագրերի:
2008 թվականին` Հայաստանի ճարտարագիտական ակադեմիայի շնորհակալագրի:
2015 թվականին` ՀԱՊՀ ոսկե հուշամեդալի:
90-ից ավելի հոդվածների, մեթոդական աշխատությունների, ռեֆերատների, հաշվետվությունների, թեզիսների հեղինակ է։
Ամուսնացած է, ունի երկու երեխա` աղջիկ և տղա:
[/cm