Սուրեն Գևորգի Աղբալյանը ծնվել է 1950 թվականի փետրվարի 1-ին: 1967 թվականին ավարտել է Տավուշի մարզի Աչաջուր գյուղի միջնակարգ դպրոցը: Նույն թվականին ընդունվել է Երևանի Կ. Մարքսի անվան պոլիտեխնիկական ինստիտուտ: 1972 թվականին ավարտել է ԵրՊԻ-ի Լեռնամետալուրգիական ֆակուլտետը: 1979-1984 թվականներին սովորել է ԵրՊԻ-ի ասպիրանտուրայում:
Աշխատանքային գործունեությունը սկսել է 1972 թվականին՝ Երևանի էլեկտրատեխնիկական գործարանում՝ որպես արտադրամասի վարպետ:
1973-1977 թվականներին աշխատել է Հայաստանի մեքենաշինության գիտահետազոտական և կոնստրուկտորատեխնոլոգիական ինստիտուտում՝ որպես ճարտարագետ, կրտսեր գիտաշխատող, իսկ 1977 թվականից՝ ավագ գիտաշխատող:
1977-1981 թվականներին՝ «Աերոզոլներ» հատուկ կոնստրուկտորատեխնոլոգիական բյուրոյում՝ որպես առաջատար ճարտարագետ:
1981-1990 թվականներին եղել է ԵրՊԻ-ի գիտահետազոտական աշխատանքների բաժնի «Փոշեմետալուրգիա և մետաղական ծածկույթներ» պրոբլեմային լաբորատորիայի ավագ գիտաշխատող, իսկ 1984 թվականից՝ լաբորատորիայի վարիչ:
1990-1994 թվականներին՝ ԵրՊԻ-ի (հետագայում՝ ՀՊՃՀ) Կոնստրուկցիոն նյութերի տեխնոլոգիայի ամբիոնի դոցենտ:
1994-1995 թվականներին՝ ՀՊՃՀ Մետալուրգիայի և նյութագիտության ամբիոնի վարիչի տեղակալ:
1995-2003 թվականներին՝ Ընդերքաբանության և մետալուրգիայի դեպարտամենտի վարիչ:
2003-2006 թվականներին՝ ՀՊՃՀ Մասնագիտական կրթության և մասնաճյուղերի գծով պրոռեկտոր:
2006-2011 թվականներին՝ ՀՊՃՀ Գիտական գործունեության և կրթական ծրագրերի գծով պրոռեկտոր:
2009-2011 թվականներին համատեղության կարգով եղել է ՀՊՃՀ Մետալուրգիայի և նյութագիտության ամբիոնի վարիչ:
2011-2015 թվականներին՝ ՀՊՃՀ (այժմ՝ ՀԱՊՀ) Կրթական ծրագրերի և ուսումնամեթոդական աշխատանքների գծով պրոռեկտոր:
2002 թվականից առ այսօր ՀՊՃՀ (այժմ՝ ՀԱՊՀ) «Նյութագիտություն և մետալուրգիա» բազային գիտահետազոտական լաբորատորիայի վարիչ և գիտական ղեկավար:
2015 թվականից առ այսօր Մետալուրգիայի և նյութագիտության ամբիոնի պրոֆեսոր է:
Ս. Աղբալյանը «Մետալուրգիա և նյութագիտություն» մասնագիտական խորհրդի նախագահ է:
2003-2015 թվականներին եղել է ՀՊՃՀ (այժմ՝ ՀԱՊՀ) Գիտական խորհրդի անդամ է և նախագահի տեղակալ:
2006-2011 թվականներին եղել է ՀՊՃՀ Գիտատեխնիկական խորհրդի նախագահ:
2011-2015 թվականներին՝ ՀՊՃՀ (այժմ՝ ՀԱՊՀ) Կրթական ծրագրերի և ուսումնամեթոդական հարցերի մշտական հանձնաժողովի նախագահ:
2008-2014 թվականներին՝ ՀՊՃՀ կառավարման Խորհրդի անդամ:
Գորիսի պետական համալսարանի կառավարման Խորհրդի անդամ է:
ՀՀ ԿԳ նախարարության Գիտության պետական կոմիտեի «Ճարտարագիտություն և տեխնոլոգիաներ» հանձնաժողովի անդամ է:
«Ճշգրիտ և բնական գիտություններ»-ի բնագավառում ՀՀ պետական մրցանակներ շնորհող հանձնաժողովի անդամ է:
ՀՀ ՊՆ ռազմատեխնիկական և գիտատեխնիկական խորհրդին կից «Մեքենաշինություն» ենթահանձնաժողովի նախագահ է, իսկ 2016 թվականից՝ անդամ:
ՀՀ ԳԱԱ և ՀՊՃՀ, իսկ 2015թ-ից՝ ՀՀ ԳԱԱ և ՀԱՊՀ տեղեկագրի խմբագրական կոլեգիայի անդամ է:
Հայաստանի ճարտարագիտական ակադեմիայի «Լրաբեր» և «Հանքագործ և մետալուրգ» հանդեսների խմբագրական կոլեգիաների անդամ է:
«ՀՊՃՀ-Բանբեր», իսկ 2015 թվականից «ՀԱՊՀ-Բանբեր» հանդեսի խմբագրական կոլեգիայի անդամ է և «Մետալուրգիա, նյութագիտություն, ընդերքօգտագործում» սերիայի գլխավոր խմբագիր:
1984 թվականին ստացել է տեխնիկական գիտությունների թեկնածուի գիտական աստիճան:
1992 թվականին՝ տեխնիկական գիտությունների դոկտորի գիտական աստիճան:
1995 թվականին՝ պրոֆեսորի գիտական կոչում:
1995 թվականից Նյու-Յորքի գիտությունների ակադեմիայի իսկական անդամ է:
2002 թվականից՝ Մետալուրգիա և նյութագիտություն բնագավառի պրոֆեսոր:
2010 թվականից՝ Հայաստանի ճարտարագիտական ակադեմիայի իսկական անդամ:
2003 թվականին արժանացել է ՀՀ ԿԳ նախարարության ոսկե մեդալի:
2006 թվականին՝ ՌԴ Ազգային ակադեմիայի տիեզերագնացության ֆեդերացիայի ակադեմիկոս Ա.Ֆ. Բելովի անվան Ոսկե մեդալի:
2008 թվականին՝ ՀՀ նախագահի շնորհակալագրի:
2010 թվականին՝ ՀՀ գիտության վաստակավոր գործչի պատվավոր կոչման:
Ս. Աղբալյանը 250-ից ավելի գիտական աշխատանքների, այդ թվում 31 արտոնագրի և պատենտի, մեկ մենագրության, 8 ուսումնական ձեռնարկի հեղինակ է:
Ամուսնացած է, ունի երկու տղա, մեկ աղջիկ և վեց թոռնիկ: