Յուրի Լևոնի Սարգսյանը ծնվել է 1941 թվականի փետրվարի 9-ին։ 1962 թվականին ավարտել է Երևանի Կ. Մարքսի անվանպոլիտեխնիկական ինստիտուտը։
Աշխատանքային գործունեությունը սկսել է 1962 թվականին Երևանի պոլիտեխնիկական ինստիտուտում։
1977-1978 թվականներին աշխատել է ԱՄՆ Ստենֆորդի և Իլինոյսի համալսարաններում` որպես հրավիրված պրոֆեսոր։
1976-1988 թվականներին եղել է ԵրՊԻ-ի Մեքենանեի և մեխանիզմների տեսության ամբիոնի վարիչ։
1988-2006 թվականներին եղել է ԵրՊԻ-ի (հետագայում` ՀՊՃՀ) ռեկտոր։
1971-1972 թվականներին անցել է գիտական փորձառություն ԱՄՆ Ստենֆորդի և Իլինոյսի համալսարաններում։
1995-1996 թվականներին եղել է ՀՀ ԳԱԱ փոխնախագահ։
1990-1995 թվականներին` ՀՀ ԳՀ պատգամավոր։
1992-1995 թվականներին` ԱԺ Սահմանադրական հանձնաժողովի անդամ։
1972 թվականից ԱՄՆ Նեբրասկա նահանգի պատվավոր քաղաքացի է։
2002 թվականին` Հայ կրթական հաստատության (ԱՄՆ) տարվա կրթական գործիչ։
2006 թվականից` Միջազգային կենսագրական կենտրոնի (Քեմբրիջ) լավագույն կրթական գործիչ։
1978 թվականին արժանացել է Ամերիկյան ճարտարագետ-մեխանիկոսների ընկերության մրցանակի։
1978 թվականին` «Փրոքտր ընդ Գեմբլ» ընկերության Հատուկ մրցանակի։
1985 թվականին` «Պատվո նշան» շքանշանի։
1995 թվականին` Մեքենաների և մեխանիզմների տեսության միջազգային ֆեդերացիայի Հատուկ մրցանակի։
1999 թվականին` «Անանիա Շիրակացի» մեդալի։
2003 թվականին` «Սուրբ Մեսրոպ Մաշտոց» շքանշանի։
2011 թվականին` ՀՀ վարչապետի հուշամեդալի։
2011 թվականին ստացել է ՀՀ գիտության վաստակավոր գործչի կոչում։