Միքայել Դավթի Մազմանյանը ծնվել է 1899թ. նոյեմբերի 9-ին Թիֆլիսում:
1918-ին ավարտել է Թիֆլիսի Ներսիսյան դպրոցը։
1916-ին եղել է Անիում, Ն. Մառի ցուցումով պատճենահանել Տիգրան Հոնենց եկեղեցու որմնանկարները։
1917-ին մասնակցել է Թիֆլիսում կազմակերպված Հայ արվեստագետների միության առաջին և երկրորդ (1919) ցուցահանդեսներին։
1921-ին Մ. Սարյանի հանձնարարականով ընդունվել է Մոսկվայի բարձրագույն գեղարվեստատեխնիկական արվեստանոց, ուսանել նկարչություն և ճարտարապետություն։ Ուսման տարիներին ստեղծել է պլակատների, ծաղրանկարների շարք, նկարազարդել է գրքեր, ձևավորել բեմադրություններ։
1929- 1932-ին եղել է Մոսկվայում ՎՕՊՐԱ-ի (Պրոլետարական ճարտարապետների համառուսաստանյան ընկերություն (հետագայում՝ Համամիութենական միավորում), Երևանում՝ ՕՊՐԱ-ի (Պրոլետարական ճարտարապետների կազմակերպություն) հիմնադիր անդամներից։
1930 թ. հուլիսից աշխատել է նորաստեղծ Հայաստանի Սովետական Սոցիալիստական Հանրապետության Շինարարական ինստիտուտի տնօրենի տեղակալ, ապա՝ տնօրեն։
1933 թ. նշանակվել է Երևանի պոլիտեխնիկական ինստիտուտի հիմնադիր տնօրեն և աշխատել մինչև 1935 թվականը։
1930-1937 թթ. դասախոսել է «Ճարտարապետության պատմություն» և այլ առարկաներ, ղեկավարել ճարտարապետական նախագծման կուրսային և դիպլոմային աշխատանքներ։
1930-35-ին եղել է Երևանի շինարարական ինստիտուտի (այժմ՝ Ճարտարապետության և շինարարության Հայաստանի ազգային համալսարան) առաջին տնօրենը։
1954-ից ղեկավարել է Երևանի քաղաքային սովետի գործադիր կոմիտեի Ճարտարապետական հատակագծային արվեստանոցը։
1958-ից ղեկավարել է «Երևաննախագիծ» ինստիտուտի քաղաքաշինական բաժինը։
1932-37-ին միաժամանակ՝ «Գիպրոգոր» նախագծային բյուրոյի Ճարտարապետական արվեստանոցի ղեկավար,
1954-ից՝ Երևանի քաղաքային սովետի գործադիր կոմիտեի ղեկավար,
1958-1970-ին՝ «Երևաննախագիծ» ինստիտուտի ճարտարապետական հատակագծային արվեստանոցների ղեկավար։
1957-ին՝ Սբ. էջմիածնի Մայր աթոռի ճարտարապետաշինարարական հանձնաժողովի նախագահ:
1930-ից կազմել է բարդ ռելիեֆի վրա տեղադրված Կապանի (1930. նաև Բանավանի կառուցապատումը) Նորավանի Սիսիանի, Տաթևի, Շինուհայրի, Վանաձորի (1929-30 և 1934-37թթ․),
1932-37 թթ․՝ Գյումրիի գլխավոր հատակագծերը,
1928-29 թթ․ Մազմանյանի նախագծերով (համահեղինակների հետ) Երևանում կառուցվել են Կառուցողների ակումբը,
1930-32 թթ․ կառուցել է Երևանի ջրային էլեկտրակայանի բնակելի («Շախմատաձև») տունը,
1936-37 թթ․՝ Կենտրոնական հանրախանութը,
1935-40թթ․՝ Գրապալատի համալիրը (շինարարությունն ավարտվել Է 1960-ին),
1955-65 թթ․՝ Աջափնյակ բնակելի թաղամասը։
1939-ին պարտադրված տեղափոխվել է Խորհրդային Սոցիալիստական Հանրապետությունների Միության Ծայրագույն հյուսիս, որտեղ մինչև 1954 թ. Գ. Բ. Քոչարի հետ նախագծել ու ստեղծագործել է բևեռային առաջին քաղաքների՝ Նորիլսկի և Դուդինկայի գլխավոր հատակագծերը։
1955-69 թթ․ Մազմանյանի գլխավորությամբ մշակվել են Երևանի տարբեր թաղամասերի (1955-69), Կենտրոնի մանրամասն հատակագծման (1967-68) նախագծերը, 1 մլն բնակչի համար գլխավոր հատակագիծը։
Վաստակաշատ ճարտարապետը կյանքից հեռացել է Երեւանում՝ 1971թ հոկտեմբերի 29-ին: