Էլբակ Եղիշեի Էլբակյանը ծնվել է 1990 թվականի օգոստոսի 23-ին Շիրակի մարզի Աղին գյուղում։

1997-2002 թվականներին սովորել Է Երևանի թիվ 100 միջնակարգ դպրոցում։

2000-2006 թվականներին սովորել է Ավ. Գաբրիելյանի անվան թիվ 12 երաժշտական դպրոցի դաշնամուրի բաժնում։

2007 թվականին ավարտել է Երևանի պետական համալսարանին առընթեր Ա. Շահինյանի անվան թիվ 1 Ֆիզմաթ դպրոցը։

2007 թվականին ընդունվել է Երևանի պետական համալսարան։

2011 թվականին ավարտել է ԵՊՀ Ռադիոֆիզիկայի ֆակուլտետի բակալավրի կրթական ծրագիրը։

2013 թվականին ավարտել է ՀՀ ԳԱԱ գիտակրթական միջազգային կենտրոնի Ռադիոֆիզիկայի և կապի ֆակուլտետի մագիստրոսի կրթական ծրագրով ուսուցումը, 2016 թվականին` ՀՀ ԳԱԱ ասպիրանտուրան։

Աշխատանքային գործունեությունը սկսել է 2010 թվականին «Ալգարե» ՍՊԸ-ում` որպես էլեկտրամոնտաժող։

2012-2014 թվականներին աշխատել է Ա. Ի. Ալիխանյանի անվան ԱԳԼ-ում (Երֆի)` որպես ստաժոր ֆիզիկոս։

2014 թվականից Հայաստանի ազգային պոլիտեխնիկական համալսարանի Ֆիզիկայի ամբիոնի դասախոս է։

2016 թվականից` ՀԱՊՀ Ֆիզիկայի ամբիոնի վարիչի տեղակալ, ասիստենտ։

2017 թվականի մարտ-հունիս ամիսներին` ՀԱՊՀ Երևանի Քոլեջի փոխտնօրեն։

2017-2020 թվականը ՀԱՊՀ Երևանի Քոլեջի տնօրեն։

2020-2021 թվականը ՀԱՊՀ Ուսումնամեթոդական վարչության պետ։

2021 թվականից՝ ՀԱՊՀ պրոռեկտոր, աշխատակազմի ղեկավար։

2016 թվականին ստացել է ֆիզիկամաթեմատիկական գիտությունների թեկնածուի գիտական աստիճան։

8 գիտական հոդվածի հեղինակ է։