Մոսկվայի տուն, մշակութային գործարար կենտրոնի տնօրեն Վ․ Կարապետյանի անունից շնորհակալական նամակ է ուղարկվել Հայաստանի ազգային պոլիտեխնիկական համալսարանի ռեկտոր Գ․ Վարդանյանին՝ «Читаем русскую поэзию об Армении» մրցույթի շրջանակներում Պոլիտեխնիկական համալսարանի ակտիվ մասնակցության և Երևանում Մոսկվայի տան հետ համագործակցության համար։

Նամակը վերաբերում է ս.թ. նոյեմբերի 13-ին և 20-ին (I և II փուլերով) Հայաստանում «Россотрудничество» գործակալության շրջանակներում տեղի ունեցած «Читаем русскую поэзию об Армении» միջբուհական հանրապետական մրցույթին:

Մրցույթը կազմակերպել էին Մոսկվայի կառավարության կրթության նախարարությունը, Երևանում Մոսկվայի տունը և Ռուսական գիտության և մշակույթի կենտրոնը:

Մրցույթին մասնակցում էին հայաստանյան ինը բուհերի ուսանողներ` Հայաստանի ազգային պոլիտեխնիկական համալսարանից, Երևանի պետական համալսարանից, Երևանի պետական մանկավարժական համալսարանից, Երևանում Լոմոնոսովի անվան համալսարանի մասնաճյուղից, Բրյուսովի անվ. պետական համալսարանից, Հայաստանի ճարտարապե­տա­շինարարական ազգային համալսարանից, Վանաձորի Հ. Թումանյանի անվ. պետհա­մալսարանից, Շիրակի Նալբանդյանի անվան պետհամալսարանից, Թատրոնի և կինոյի Երևանի պետական ինստիտուտից:

Մեր համալսարանից մրցույթին մասնակցում էին ՏՀՏԷ ինստիտուտի ուսանողներ Լիլիթ Ասիլբեկյանը, Աննա Երկանյանը, Լևոն Հունանյանը, Աննա Աստակոլունցը, Լիլիթ Սոլկարյանը, ովքեր ստացան պատվոգրեր և հուշագրեր (ռուսաց լեզվի դասախոս, ամբիոնի վարիչ, մ.գ.թ. Սեդա Ասատրյան):

ՏՀՏԷ ինստիտուտի ուսանող Տիգրան Խաչատրյանը գրավեց մրցանակային III տեղը: