Սուրեն Գևորգի Աղբալյանը ծնվել է 1950 թվականի փետրվարի 1-ին: 1967 թվականին ավարտել է Տավուշի մարզի Աչաջուր գյուղի միջնակարգ դպրոցը: Նույն թվականին ընդունվել է Երևանի Կ. Մարքսի անվան պոլիտեխնիկական ինստիտուտ: 1972 թվականին ավարտել է ԵրՊԻ-ի Լեռնամետալուրգիական ֆակուլտետը: 1979-1974 թվականներին սովորել է ԵրՊԻ-ի ասպիրանտուրայում:
Աշխատանքային գործունեությունը սկսել ...
Նյութագիտություն և մետալուրգիա
Լաբորատորիայի ղեկավար
Ստեղծվել է Հայաստանի պետական ճարտարագիտական համալսարանի (Պոլիտեխնիկ) գիտական խորհրդի 2003թ. հոկտեմբերի 01-ի թիվ 05 որոշմամբ և ամրագրվել է ռեկտորի 2003թ. հոկտեմբերի 07-ի թիվ 260 հրամանով: Այն ստեղծվել է 1982թ-ից Երևանի պոլիտեխնիկական ինստիտուտում, իսկ 1991-ից` Հայաստանի պետական ճարտարագիտական համալսարանում (ՀՊՃՀ) գործող «Փոշեմետալուրգիա և ծածկույթներ» պրոբլեմային լաբորատորիայի բազայի վրա, որի գիտական ղեկավարն էր տեխնիկական գիտությունների դոկտոր, պրոֆեսոր Նիկոլայ Վահանի Մանուկյանը:
Կատարվել են հետևյալ գիտական հետազոտությունները`
- Մշակվել է մետաղական ծակոտկեն նյութերի, այդ թվում երկաթի, պղնձի, ալյումինի, տիտանի հիմքով և այլն, տաք արտամղման գործընթացի տեսական և տեխնոլոգիական հիմունքները: Ցույց է տրված, որ 4 արտամղման գործակցի դեպքում պրակտիկորեն ստացվում են անծակոտկեն կառուցվածքներ: Բացահայտվել են տաք արտամղման հիմնական օրինաչափությունները և փոշեմետալուրգիական նյութերի, այդ թվում կոնստրուկցիոն, գործիքաշինական և հակաշփական նշանակության, դիսպերս ֆազերով կարծրացող և դիսպերս հատիկներով ամրացվող, ինչպես նաև բարձամուր և մետաղական թելքերով ամրանավորված կոմպոզիտային նյութերի ստացման և կառուցվածքագոյացման սկզբունքները:
- Մշակվել են փոշեպողպատների և փոշեհամաձուլվածքների ջերմային մշակման տեխնոլոգիաներ և ուսումնասիրվել են ջերմամշակման ժամանակ կառուցված-քագոյացման առանձնահատկությունները, այդ թվում երկաթի, պղնձի, ալյումինի և տիտանի հիմքով փոշեհամաձուլվածքների համար:
- Մշակվել է Հայաստանի Հանրապետության երկրաթի հանքաքարերից, Քաջարանի լեռնահարստացուցիչ ֆաբրիկայի և Ալավերդու պղնձաձուլական գործարանի թափոններից երկաթափոշու, ինչպես նաև Չարենցավանի գործիքաշինական գործարանի թափոններից (տաշեղներից) արագահատ պողպատների փոշիների ու ստացված մետաղափոշիներից արտադրատեսակների պատրաստման և ջերմային մշակման տեխնոլոգիաներ:
- Առաջին անգամ մետաղական օքսիդներից բարդ օքսիդների սինթեզման եղանակով մշակվել է լեգիրված մետաղափոշինների և դրանցից պահանջվող հատկություններով արտադրատեսակների ստացման ժամանակակից տեխնոլոգիաներ:
- Առաջին անգամ մշակվել է հալոգենացման միջավայրում ալմաստային փոշիների թերմադիֆուզիոն մետաղապատման սկզբունքներն ու առանձնահատկությունները և տեխնոլոգիաներ դրանցից բարձր արտադրողականությամբ գործիքների պատրաստման համար:
- Մշակվել է երկաթի, պղնձի, տիտանի և այլումինի հիմքով հակաշփական նշանակության կոմպոզիտային նյութերի տաք արտամղման եղանակով ստացման տեխնոլոգիաներ, որոնք ներդրվել են հայրենական արտադրությունում:
- Մշակվել է Հայսատանի մոլիբդենիտային հանքանյութերից մոլիբդենի, մոլիբդենի երկսուլֆիդի, մոլիբդենի երկսիլիցիդի, կապարի մոլիբդատի և այլ արժեքավոր նյութերի ստացման տեխնոլոգիաներ, որոնք ներդրվել են հայրենական արտադրությունում:
- Մշակվել է Հայաստանի բազմամետաղային հանքանյութերից հիդրոմետալուրգիական եղանակով մետաղների համալիր կորզման տեխնոլոգիաներ, որոնք ներդրվել են հայրենական արտադրության մեջ:
- Նշված գիտական ուղղություններով պաշտպանվել են 17 դոկտորոկան և 70-ից ավելի թեկնածուական ատենախոսություններ, տպագրվել են 1000-ից ավելի գիտական հոդվածներ և ստացվել են 120-ից ավելի պատենտներ ու հեղինակային իրավունքի վկայագրեր:
Սարքավորումներն օգտագործվում են որոշակի պարբերությամբ, ոչ ուշ, քան շաբաթական մեկ-երկու անգամ, բացառությամբ էլեկտրոնային մանրադիտակի, որն աշխատեցվում է անհրաժեշտության դեպքում:
Վայր: 2-րդ մասնաշենք, Հեռ.: +374 10 58 13 13