Արմինե Գևորգի Ավետիսյանը ծնվել է 1970 թվականի մայիսի 1-ին Երևանում: 1987 թվականին ավարտել է Վ. Թեքեյանի անվան թիվ 92 միջնակարգ դպրոցը: 1987 թվականին ընդունվել է Երևանի Կ. Մարքսի անվան պոլիտեխնիկական ինստիտուտ: 1992 թվականին...
Ավտոմատացված համակարգեր և մոդելավորում
Լաբորատորիայի ղեկավար
Ավտոմատացված համակարգերի և մոդելավորման լաբորատորիան հիմնվել է 1989թ: Որպես բազային լաբորատորիա այն գործում է 2005թ հունվարից:
Վերջին տարիների ընթացքում բազային լաբորատորիայի գիտական ծրագրերի շրջանակներում կատարվել է որոշումների ընդունման և մաթֆիզիկայի կարևորագույն խնդիրներից մեկի` ոչ գծային եզրային խնդիրների լուծման ալգորիթմների լուրջ զարգացում և մի շարք զուգահեռ ալգորիթմների մշակում և իրականացում: Վերջավոր տարրերի մեթոդով երկչափ ոչ գծային դաշտային խնդիրների լուծման դեպքում հետազոտվել է հաջորդական մոտեցումների գործընթացի զուգամիտման կախվածությունը ընդհատավորման ցանցի երկրաչափական պարամետրերից: Ստացվել և հետազոտվել են վերջավոր տարրերի եղանակով եռաչափ ոչ գծային դաշտային խնդիրների թվային լուծման ժամանակ առաջացած հավասարումների համակարգի երկրաչափական բնութագրերը: Հետազոտվել է պատահական որոնման ալգորիթմների ղեկավարող պարամետրերի թվային արժեքների ազդեցությունը օպտիմալացման խնդիրների լուծման ճշտության ու ժամանակի վրա: Մշակվել և իրագործվել են եռաչափ մագնիսական դաշտի հաշվարկային տիրույթի ընդհատավորման (քառանիստապատման) զուգահեռ ալգորիթմներ, որոնք, ինչպես ցույց են տալիս թվային գիտափորձերը, թույլ են տալիս զգալիորեն մեծացնել քառանիստապատման արագությունը՝ այդպիսով կրճատելով եռաչափ մագնիսական դաշտի եզրային խնդիրների լուծման ժամանակը: Մշակվել և իրագործվել են վճիռների կայացման մի շարք ալգորիթմների արդյունավետ զուգահեռ տարբերակներ: Ստեղծվել է էլեկտրական մեքենաների և ապարատների ավտոմատացված նախագծման համակարգ, որն աշխատում է բաշխված հաշվողական միջավայրում: Առաջարկվել է վերջավոր տարրերի մեթոդով եռաչափ էլեկտրամագնիսական դաշտերի ոչ գծային խնդիրների թվային լուծման համար քառանիստային ցանցի կառուցման զուգահեռ ալգորիթմ՝ կլաստերային ճարտարապետության բազմապրոցեսորային համակարգում։ Հետազոտվել են եռաչափ էլեկտրամագնիսական դաշտի վեկտորական մագնիսական պոտենցիալի դիվերգենցիայի հատկությունները։ Հետազոտվել են վերջավոր տարրերի և վերջավոր տարբերությունների մեթոդներով ոչ գծային էլեկտրամագնիսական դաշտի լուծման համար հաշվարկային հավասարումները եռաչափ դրվածքով։ Հետազոտվել է եռաչափ էլեկտրամագնիսական դաշտի վեկտորական մագնիսական պոտենցիալի՝ վերջավոր տարրերի մեթոդով հաշվարկի խնդիրը։
Լաբորատորիայում տեղադրված է և շահագործվում է մեկ ժամանակակից հաշվողական կլաստեր (48 միջուկ) և 8 Pentium 4 մակնիշի համակարգիչներ, որոնք թույլ են տալիս զարգացնել լաբորատորիայում ամրագրված գիտական ուղղությունները:
Վայր: 17-րդ մասնաշենք, Հեռ.: +374 10 58 04 31