Արմեն Մարտիկի Հովհաննիսյան

Արմեն Մարտիկի Հովհաննիսյան

Մետալուրգիայի և նյութագիտության ամբիոնի վարիչ

Արմեն Մարտիկի Հովհաննիսյանը ծնվել է 1970 թվականի հունվարի 3-ին Երևանում։ 1986 թվականին ավարտել է Ամասիայի միջնակարգ դպրոցը: 1985 թվականին ավարտել է տեղի երաժշտական և նկարչական դպրոցները։ 1986 թվականին ընդունվել է Երևանի Կ. Մարքսի անվան պոլիտեխնիկական ինստիտուտ։ 1988-1989 թվականներին ծառայել է խորհրդային...

 

Գագիկ  Հովհաննեսի Թորոսյան

<<Ընդհանուր քիմիայի և քիմիական տեխնոլոգիաներ>> ամբիոնի վարիչ

 

Գագիկ  Հովհաննեսի Թորոսյանը ծնվել է 1947 թվականի դեկտեմբերի 16-ին, Երևան քաղաքում, ծառայողի ընտանիքում:

1954-1965 թվերին սովորել է Երևանի Եղիշե Չարենցի անվան թիվ 67 միջնակարգ դպրոցում, որն ավարտել է  ոսկե մեդալով: 1965 թվին ընդունվել է Երևանի Կ.Մարքսի անվան Պոլիտեխնիկական ինստիտուտի քիմիկա-տեխնոլոգական ֆակուլտետը, որն ավարտել է Գերազանցության դիպլոմով 1970 թվին, ինժեներ-քիմիկոս-տեխնոլոգ որակավորմամբ:

1970 թվին ընդունվել է ՀՀ ԳԱԱ Օրգանական քիմիայի ինստիտուտի ասպիրանտուրան` ամինամիացությունների լաբորատորիայում: 1975թվին պաշտպանել և ստացել է քիմիական գիտությունների թեկնածուի գիտական աստիճան` ՀՀ ԳԱԱ ակադեմիկոս Ա.Բաբայանի ղեկավարությամբ

1970 թվից աշխատել է Օրգանական քիմիայի ինստիտուտի գիտական կառույցներում` ավագ լաբորանտից մինչև առաջատար գիտաշխատող, մինչև միջգերատեսչական (ԳԱԱ, քիմիական ռեկատիվների գործարան և Երևանի պոլիտեխնիկական ինստիտուտ) գիտա-տեխնիկական լաբորատորիայի ղեկավար: 1986 թվին պաշտպանել և ստացել է քիմիական գիտությունների դոկտորի գիտական աստիճան (գիտական խորհրդատուներ Ա.Թ.Բաբայան, Բիանկա Չուբար, Ի.Պ.Բելեցկայա): 1982 թվից ստացել է ավագ գիտաշխատողի, իսկ 2004-ից պրոֆեսորի գիտական կոչում:

1990 թվին աշխատել է Պոլիտեխնիկական ինստիտուտում,  որպես գլխավոր գիտական աշխատակից  <<ԳԱԱ-ԵրՊԻ-Քիմիական ռեակտիվների>> գործարան համատեղ պայմանագրային թեմայով աշխատող խմբում: 1984 թվից ժամավճարային կարգով նույն ինստիտուտում դասավանդել է  <<Տեխնոլոգիական պրոցեսների գործընթաց>> առարկան: Այդ տարիներին կատարել է բազմաթիվ ներդրումային աշխատանքներ Խորհրդային Միության քիմիական ձեռնարկություններում` Երևանի` <<Քիմիական ռեակտիվների>> գործարանում, Անգարսկի Քիմիական կոմբինատում, Ուֆայի <<Քիմիական ռեակտիվների>> միավորումում:

1991-1994 թվերին աշխատել է ՀՀ ԲԿԳ նախարարությունում, որպես Բարձրագույն Կրթության վարչության պետ, նախարարության կոլեգիայի անդամ: Նույն տարիներին շարունակել է դասավանդել ՀՊՃՀ-ում և Երևանի պետական համալսարանի քիմիական ֆակուլտետում  (այստեղ դասավանդել է <<Կատալիզ>>-ի հատուկ կուրս):

1994-2002 թվերին աշխատել է տարբեր կազմակերպություններում` միաժամանակ դասավանդելով Երևանի Պետական համալսարանում, Երևանի Ճարտարապետության և Շինարարության պետական համալսարանում և ՀՊՃՀ-ում: Աշխատել է  Հրաչյա Աճառյան համալսարանում, ՀՀ Գյուղատնտեսության նախարարության <<Պարեն>> գիտա-արտադրական միավորումում, որպես փոխտնօրեն` գիտության, միջազգային կապերի և կոմերցիայի գծով:

1999 թվից մինչ այժմ աշխատում է ՀՊՃՀ ՔՏ և ԲՃ դեպարտամենտի ՕՆՍՏ և ԲՃ ամբիոնում սկզբում պրոֆեսորի պաշտոնում, իսկ 2001 թվից որպես նույն ամբիոնի վարիչ: 2006.-2008թթ. Աշխատել է որպես Հայաստանի Պետական Ճարտարագիտական Համալսարանի /Պոլիտեխնիկ/ պրոռեկտոր՝ ուսումնական աշխատանքների գծով:

2008-2020թթ եղել է ՔՏ և ԲՃ ֆակուլտետի <<Քիմիական տեխնոլոգիաների>> հետո <<Քիմիա-կենսա և բնապահպանական տեխնոլոգաների>> ամբիոնի վարիչ:

Ներկայումս ԼՄ և ՔՏ ինստիտուտի <<ԸՔ և ՔՏ>>ամբիոնի վարիչն է:

Ուսումնառության և գիտական աշխատանքի տարիներին անցել է վերապատրաստման և աշխատանքային շրջաններ Մոսկվայի, Կազանի և Իրկուտսկի համալսարաններում, Լեհաստանում, Ճապոնիայում, Ֆրանսիայում, Գերմանիայում, Իտալիայում, Իսպանիայում, Թուրքիայում, Անգլիայում: Մասնակցել է գիտաժողովների աշխարհի շուրջ 42 երկրներում:

Պարգևատրվել է պետական, կառավարական և այլ պարգևներով – ՀԽՍՀ Գերագույն Խորհրդի պատվոգիր, ԽՍՀՄ Քիմիական արդյունաբերության նախարարության պարգև, ՀամԼԿԵՄ և ՀԼԿԵՄ կենտկոմների մրցանակներ և պատվոգրեր, ՀՊՃՀ, հետո ՀԱՊՀ երեք Վաստակագրով, Ֆրիտյոֆ Նանսենի ոսկե մեդալով և այլն: Եղել է ՀԼԿԵՄ Երիտասարդ գիտնականների խորհրդի նախագահի տեղակալ, ՀՀ Գիտատատեխնիկական ընկերությունների <<Քիմիական արդյունաբերության>> վարչության նախագահ, ՀՀ ԲԿԳ նախարարության կոլեգիայի և մի շարք մասնագիտական խորհուրդների անդամ:

Ներկայումս գործնական կապեր է հաստատել Մասաչուսեթսի տեխնոլոգիական ինստիտոտւտի Քիմիական տեխնոլոգիաների բաժնի ու լաբորատորիայի հետ:

Հեղինակ է մոտ 300 հրապարակախոսական հոդվածների Հանրապետության տարբեր թերթերում, ուր հիմնականում քննարկվել են Կրթության ոլորտին նվիրված խնդիրներ:

Ունի 600 գիտական, գիտահետազոտական, ուսումնա-մեթոդական աշխատանք, որից 265-ը հոդվածներ գիտական ամսագրերում  (գերազանցապես միջազգային), 262 թեզիսներ և լայնածավալ հոդվածներ գիտաժողովներում (գերազանցապես միջազգային), 29-ը արտոնագիր և հեղինակային իրավունք, 36 ուսումնա-մեթոդական աշխատանք, այդ թվում երեք դասագիրք, մի քանի ուսումնական ձեռնարկ, մեթոդական աշխատանքներ: Համահեղինակ է <<Օրգանական քիմիա>>, <<Էկոլոգիական էկոնոմիկա>>, <<Հոսքաջրերի մաքրումն ու վնասազերծումը օրգանական մնացուկներից>> դասագրեքի, <<Էթանոլամին>> գրքի, <<Ածխածնային ածանցյալների և նավթանյութերի ստացումը պինդ թափոններից>>, <<Հաակոռոզիոն պաշտպանություն մետաղական և ոչ մետաղական ծածկույթներով>>, <<Պոլիգրաֆիական նյութեր>>, <<Հետերոցիկլիկ միացությունների քիմիա>>, <>, <<Շրջակա միջավայրի քիմիա>> և մի շարք այլ ուսումնական ձեռնարկների:

Նրա ղեկավարությամբ պատրաստվել են 21 գիտության թեկնածու (ընդ որում Ռուսաստանից ու Պարսկաստանից), երեսունից ավելի մագիստրոս  (յոթը Պարսկաստանից), եղել է 7 թեկնածուական աշխատանքի գիտական խորհրդատու, շարունակում է ղեկավարել մեկ թեկնածուական և մագիստրոսական երկու   թեզեր, երկու դոկտորական ատենախոսության գիտական խորհրդատու է:

Ամբիոնի մասին

 

ՀԱՊՀ-ի <<Լեռնամետալուրգիայի և քիմիական տեխնոլոգիաների>> ինստիտուտի  <<Ընդհանուր քիմիայի և քիմիական տեխնոլոգիաների>> ամբիոնը ուսումնական և գիտական կառուցվածքային ստորաբաժանում է, որում միավորվել են <<Քիմիա-կենսա և բնապահպանական տեխնոլոգիաների>> ու <<Ընդհանուր քիմիայի և քիմիական պրոցեսների>> ամբիոնները:

Ընդհանուր քիմիայի և քիմիական տեխնոլոգիաների ամբիոնն ունի  14 լաբորատորիա, 2 համակարգչային լսարան, 2 գիտահետազոտական լաբորատորիա, ապահովված է ուսումնամեթոդական գրականությամբ  և ուսումնական գործընթացն իրականցնելու  համար անհրաժեշտ պայմաններով:

<<Ընդհանուր քիմիայի և քիմիական տեխնոլոգիաների>> ամբիոնում իրականցվում է ճարտարագիտական կրթություն հետևյալ որակավորման աստիճաններով՝ կրտսեր ճարտարագետ, ճարտարագիտության բակալավր,  ճարտարագիտության մագիստրոս, ասպիրանտ, հայցորդ:

Ամբիոնում ներկայումս դասավանդում է 25 դասախոս՝ 3 գիտությունների դոկտոր, պրոֆեսոր, 1 գիտությունների թեկնածու, պրոֆեսոր, 1 գիտությունների դոկտոր, դոցենտ, 15 գիտությունների թեկնածու, դոցենտ, 2 ասիստենտ, 3 դասախոս:

<<Ընդհանուր քիմիայի և քիմիական տեխնոլոգիաների>> ամբիոնի գիտական գործունեությունը ներառում է մի քանի հիմնարար ուղղություններ`

ա/ այլընտրանքային վառելիքի ստացում տեղական հումքից և պինդ ածխաջրածնային թափոններից բնապահպանական տեխնոլոգիաների միջոցով,

բ/ ալյումասիլիկատային հանքանյութերի և պինդ թափոնների համատեղ օգտագործմամբ նոր շինարարական նյութերի ստացում` բնապահպանական տեխնոլոգիաների կիրարկմամբ,

գ/ օրգանական ռեակտիվների, դեղանյութերի սկզբնանյութերի սինթեզ միջֆազային կատալիզի պայմաններում,

դ/ լեռնային ապարներից և արտադրական պինդ թափոններից ապակիների և ապակեբյուրեղային նյութերի ստացում:

ե/ հոսքաջրերի մաքրումը օրգանական / դեղանյութեր, պեստիցիդներ/ մնացուկներից

զ/ հիմնային ակումուլյատորների բնութագրերի բարելավում,

է/ բարձր բնութագրերով կադմիում-սելեն ծակոտկեն կիսահաղորդչային թաղանթների ստացում էլեկտրաքիմիական եղանակով,

ը/ մետաղների էլեկտրանստեցում,  էլեկտրափայլեցման, հակակոռոզիոն ծածկույթների և լուծույթների ուղղությամբ,

թ/ պոլիմերային նանոկոմպոզիտների ստացումը և հատկությունների հետազոտումը,

ժ/ կենսաբանական ակտիվ նյութերի և թունաքիմիկատների սինթեզ,

ի/ արտադրական մետալուրգիական թափոնախարամներից երկաթի մոնոսիլիցիդի սինթեզը  և ստացված համաձուլվածքի կառուցվածքագոյացման օրինաչափությունների ուսումնասիրությունը,

լ/ Հանքարդյունաբերության բնապահպանական խնդիրների լուծում,

խ/ ժամկետանց քիմիական նյութերի և թափոնների ուտիլիզացիա,

ծ/ պարենամթերքի արտադրության թափոնների ուտիլիզացիա:

 

Ամբիոնը սերտորեն համագործակցում է ՀԱՊԿ ինստիտուտի Երևանյան բաժանմունքի, Երևանի Պետական համալսարանի, Երևանի ճարտարապետության ու շինարարության պետական համալսարանի, ՀՀ ԳԱԱ Օրգանական և դեղագործական գիտատեխնոլոգիական կենտրոնի, ՀՀ ԳԱԱ Ընդհանուր և անօրգանական քիմիայի ինստիտուտի, «Սարանիստ» ԲԲԸ-ի, «Արարատ-ցեմենտ» ՓԲԸ-ի, «Գաջ» ՓԲԸ-ի, «Էլեկտրոն» ՓԲԸ-ի, ՌԱՕ ՓԲԸ «Մարս»-ի, «Վեոլիա ջուր» ԲԲԸ-ի, «ԱՄՓ հոլդինգ»  ՍՊԸ-ի, «Լիզին» ԲԲԸ-ի,  ՀՀ ԳԱԱ Հայկենսատեխնոլոգիա Գիտաարտադրական Կենտրոնի, «Երևանի գարեջուր» ՓԲԸ-ի, «Պռոշյանի կոնյակի գործարան» ՍՊԸ-ի, «Մարիաննա կաթնամթերքի արտադրական ձեռնարկություն» ՍՊԸ-ի, <<Սևանի հացի գործարան>>-ի  հետ:

Ուսանողներն իրենց արտադրական և նախաավարտական պրակտիկաները հաջողությամբ անց են կացնում այդ գործարաններում, իսկ լավագույնները նաև անցնում աշխատանքի:

Ամբիոնը կազմակերպում է պարապմունքներ <<Ընդհանուր քիմիա>> առարկայից դպրոցի աշակերտության համար:

Ամբիոնի աշխատակիցները ներգրավված են բյուջետային լաբորատորիաներում աշխատանքներում,  Գիտպետկոմի ֆինանսավորմամբ ամբիոնը կատարել  և կատարում է գիտահետազոտական աշխատանքներ – բնապահպանական ու տեխնոլոգիական խնդիրների շուրջ:

Ամբիոնն ունի նաև լայն կապեր արտերկրի գործընկերների հետ: 2012 թվից ամբիոնն աշխատում է Օսլոյի բնական գիտությունների համալսարանի հետ (նորվեգական կողմի ֆինանսավորմամբ) Հայաստանում «Շրջակա միջավայրի օրգանական անալիտիկ քիմիա» առարկայի ուսուցում ծրագրով: Ծրագրի շրջանակներում ստեղծվել է ժամանակակից հետազոտական լաբորատորիա, ինչպես նաև ինտերակտիվ ուսուցման սենյակ և գրադարան, հագեցված արդի գրականությամբ:

Սկսվել են համատեղ  աշխատանքներ Erasmus+ KA1 ծրագրի շրջանակներում Հունաստանի Կրետեի համալսարանի հետ՝ քիմիական տեխնոլոգիաների և բնապահպանական ճարտարագիտության բնագավառներում:  Նույն բնագավառում ամբիոնն աշխատել է Պորտուգալական Բրագանցա քաղաքի պոլիտեխնիկական համալսարանի հետ համահամալսարանական ծրագրի սահմաններում, իրենց մագիստրոսական թեզերը պաշտպանել են այնտեղ  և մեր համալսարանում ամբիոնի 4 մագիստրանտներ ու ստացել կրկնակի նշանակության դիպլոմներ:

Ամբիոնը վերջին տարիներին ակտիվորեն կազմակերպում է ոչ միայն սեմինարներ, տեղական կոնֆերանսներ, գիտաժողովներ, այլև միջազգային կոնֆերանսներ, գիտաժողովներ: Օրինակ,  2011-2019 թ. Գիտպետկոմի ֆինանսավորմամբ, ՀԱՊԿ-ինստիտուտի Երևանյան բաժանմունքի ֆինանսական օժանդակությամբ: ՀԱՊՀ-ի ու ՀՀ ճարտարագիտական ակադեմիայի մասնակցությամբ կազմակերպվել են միջազգային գիտաժողովներ «Վարչական շրջանի շրջակա միջավայրի բնապահպանական խնդիրների վերաբերյալ» վեց և <<Այլընտրանքային վառելիքի ստացման վերաբերյալ>> երկու: Ընդհանուր մասնակցել է 100-ից ավել գիտնական արտերկրի 32 երկրներից: Ամբիոնն ակտիվորեն մասնակցում է  ՀՀ Ճարտարագիտական ակադեմիայի կողմից կազմակերպված միջազգային ֆորումին, գիտաժողովներին: Ամբիոնի աշխատակիցները ակտիվորեն մասնակցում են ՀՀ ՃԱ աշխատանքներին` ունենալով այնտեղ կարևոր դեր:

Ակտիվ աշխատանքներ են տարվում նաև ուսումնա-մեթոդական աշխատանքների ստեղծման ուղղությամբ: Յուրաքանչյուր տարի հրատարակվում են բազմաթիվ ուսումնական ձեռնարկներ, մեթոդական ցուցումներ` գալով փոխարինելու այլալեզու ուսումնական ձեռնարկներին, բազմաթիվ գիտական հոդվածներ, գերազանցապես արտերկրի մասնագիտական ամսագրերում, ձեռք են բերվում արտոնագրեր,  իսկ նաև ՀՀ բարձրագույն կրթահամալիրում առաջին հայալեզու դասագրքերը՝ «Օրգանական քիմիա», «Էկոլոգիական  էկոնոմիկա» և «Հոսքաջրերի մաքրումը և վնասազերծումը  օրգանական մնացուկներից» :

Սառա Աշոտի Մկրտչյան

Սառա Աշոտի Մկրտչյան

Լեռնամետալուրգիական արդյունաբերություն և բնօգտագործման տնտեսագիտություն և կառավարման սեկտորի վարիչ

Մկրտչյան Սառան 1982 թվականին ընդունվել է Երևանի պետական համալսարանը: 1987 թվականին ավարտել է ԵՊՀ Տնտեսագիտական կիբեռնետիկայի ֆակուլտետը:
Աշխատանքային գործունեությունը սկսել է 1987 թվականին ՀԽՍՀ ԳԱ Կապանի բաժանմունքում՝ որպես տնտեսագետ:
1990-1994 թվականներին եղել է ԵրՊԻ (հետագայում՝ ՀՊՃՀ) Կապանի ուսումնակոնսուլտացիոն բաժանմունքի դասախոս...

 

Վայր: 6-րդ մասնաշենք, Հեռ.: +374 10 58 11 14, Էլ-փոստ: [email protected]