Մեքենաշինություն և նյութերի մշակում
«Մեքենաշինության տեխնոլոգիաների և ավտոմատացման» ամբիոն
Այս կրթական ծրագրով ուսումնառության ընթացքում ուսանողները ձեռք են բերում տեսական գիտելիքներ և գործնական կարողություններ տարատեսակ մեքենաների, սարքավորումների, դրանց մեխանիզմների (այդ թվում նաև ռազմական և պաշտպանական նշանակության) նախագծման և պատրաստման, շահագործման և սպասարկման, ինչպես նաև գեղարվեստական իրերի նախագծման և պատրաստման վերաբերյալ: Շրջանավարտները ձեռք են բերում անհրաժեշտ գիտելիքներ և հմտություններ տարատեսակ թվային ծրագրավորման հաստոցների վրա դետալների մշակնամ տեխնոլոգիական պրոցեսի նախագծման, մշակման ծրագրի կազմման և հաստոցների շահագործման վերաբերկալ: Նրանք տիրապետում են համակարգչային տեխնիկայի տարատեսակ ծրագրերի, որը թույլ է տալիս հաջողությամբ աշխատել ինչպես մետաղամշակման խոշոր և միջին ձեռնարկություններում, այնպես էլ տարբեր բնույթի նախագծային, արտադրական և գիտահետազոտականան ձեռնարկություններում: Մասնագիտության շրջանավարտները սպասարկում են նաև այլ ոլորտների (էներգետիկական, քիմիական, լեռնամետալուրգիական, սննդարդյունաբերության) ձեռնարկությունների տեխնիկական սարքավորումները և գործիքային և նորոգման արտադրամասերը:
«Մեքենաշինության տեխնոլոգիաների և ավտոմատացման» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- Երևանի ոսկերչական գործարան-1 «ԳՆՈՄՈՆ» ԲԲԸ,
- «Օվալ Պլաստիկ» ՍՊԸ,
- Հրազդանի «Հարվալ Մաշինըրի» ՍՊԸ,
- «ՌուսալԱրմենալ» ՓԲԸ,
- «Հալոգամ» ՍՊԸ,
- «Շաբեր» ՍՊԸ,
- «ՀԱԷԿ» ՓԲԸ,
- «Հատուկ հիդրոսարքավորումներ» ԱԿ,
- «MAG Engineer» դեպարտամենտը,
- «Կոկա-Կոլա ՀԲՔԱ» ՓԲԸ,
- «Գրանտ Քենդի» ՍՊԸ,
- «Գրանտ տոբակո» ՍՊԸ,
- «Մասիս տոբակո» ՍՊԸ: