Պարենամթերքի տեխնոլոգիա
«Ընդհանուր քիմիա և քիմիական տեխնոլոգիաներ» ամբիոն
Պարենամթերքի տեխնոլոգիա կրթական ծրագիրը նպատակաուղղված է պարենամթերքի արտադրության բնագավառում տեխնոլոգիական, տեխնիկական, գիտական և մասնագիտական պրոֆեսիոնալիզմի ձևավորմանը:
Ձևավորել անհրաժեշտ գիտակրթական հենք և մասնագիտական ներուժ Հայաստանում պարենամթերքի արտադրության ճարտարագիտական զարգացման համար, պատրաստել լայն պրոֆիլի ինժեներ պարենամթերքի արտադրության և կենսասինթեզի բնագավառում տեխնոլոգիական գործընթացների կիրառման, նախագծման և շահագործման համար:
Շրջանավարտը ձեռք է բերում հետևյալ մասնագիտական կոմպետենցիաները․
Կիրառել մաթեմատիկայի, բնական գիտությունների, մեխանիկայի, արտադրական տեխնոլոգիաների և ճարտարագիտության գիտելիքներն ու մեթոդները պարենամթերքի և կենսասինթեզի արտադրության տեխնոլոգիական և տեխնիկական մակարդակի վերահսկման խնդիրների բացահայտման, վերլուծության, ձևակերպման և լուծման համար: Տիրապետել պարենամթերքի պահպանման ու պահեստավորման նպատակահարմար տեխնիկական բնութագրերին և պայմաններին, մթերքի որակի գնահատման ժամանակակից չափիչ տեխնիկայի շահագործման սկզբունքներին և միջոցներին (որակի կառավարում)։
«Ընդհանուր քիմիա և քիմիական տեխնոլոգիաներ» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- «Երևանի գարեջուր» ՓԲԸ,
- «Արարատ» սննդի կոմբինատ,
- «Պռոշյանի կոնյակի գործարան» ՍՊԸ,
- «Սևանի հացի գործարան» ՓԲԸ,
- «Մարիաննա կաթնամթերքի արտադրական ձեռնարկություն» ՍՊԸ,
- “Անի ֆուդ” ՍՊԸ,
- Արագած ֆուդ”ՍՊԸ,
- «Նատֆուդ» ԲԲԸ,
- Հայ կենսատեխնոլոգիայի ինստիտուտ,
- «Լիզին» Չարենցավան: