Էլեկտրատեխնիկա, էլեկտրամեխանիկա և էլեկտրատեխնոլոգիաներ
Էլեկտրատեխնիկա, էլեկտրամեխանիկա և էլեկտրատեխնոլոգիաներ
«Էլեկտրատեխնիկա և էլեկտրաբանեցում» ամբիոն
Մասնագիտության նպատակն է ձևավորել կադրային բազա` Հայաստանում տարբեր ֆունկցիոնալ նշանակության էլեկտրական և էլեկտրոնային սարքերի, էլեկտրաբանեցման, էլեկտրատեխնոլոգիական կայանքների ու համակարգերի, էներգիայի հոսքերի ավտոմատացված կառավարման համակարգերի, ավտոմատիկայի սարքերի, մալուխների և հաղորդալարերի նախագծման, շահագործման, սպասարկման և դրանց փորձարկման ու որակի հսկման համար: Պատրաստում է լայն պրոֆիլի ինժեներներ` տարբեր ֆունկցիոնալ նշանակության էլեկտրական և էլեկտրոնային սարքերի, էներգիայի էլեկտրամեխանիկական փոխակերպիչների, էլեկտրաբանեցման ավտոմատացված կառավարման համակարգերի, ավտոմատիկայի սարքերի, մալուխների և լարերի նախագծման, շահագործման, սպասարկման և փորձարկման համար:
Շրջանավարտների մասնագիտական գործունեության ասպարեզն է էլեկտրատեխնիկական արտադրատեսակների, էլեկտրաբանեցման ավտոմատացված կառավարման, էլեկտրատեխնոլոգիական համակարգերի ստեղծման, շահագործման և սերտիֆիկացման ուղղությամբ մասնագիտացված կազմակերպությունները, արդյունաբերական ձեռնարկությունների էլեկտրական տնտեսությունները:
Շրջանավարտների մասնագիտական գործունեության օբյեկտներն են էլեկտրական մեքենաները, միկրոմեքենաները, տրանսֆորմատորները, էլեկտրաբանեցման համակարգերը, էլեկտրական և էլեկտրոնային սարքերը, ավտոմատիկայի սարքերը, էներգիայի հոսքերի կառավարման համակարգերը, էլեկտրաէներգետիկական, էլեկտրատեխնիկական և էլեկտրոնային սարքերի,էլեկտրական մեկուսացումը, մալուխային արտադրատեսակները, հաղորդալարերը, էլեկտրատեխնիկական նյութերը և էլեկտրական կոնդենսատորները։
«Էլեկտրատեխնիկա և էլեկտրաբանեցում» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- «ՀՀ Էլեկտրացանց» ՓԲԸ,
- «Էներգետիկայի գիտահետազոտական ինստիտուտ» ՓԲԸ,
- «ՆԻԻԷլեկտրամաշ» ԳԱՁ ՓԲԸ,
- «Ինտեգրատոր» ԲԲԸ,
- Սեդեռա ՍՊՀ,
- Ալյումեքս ՍՊՀ,
- «Կ. Դեմիրճյանի անվ. Երևանի մետրոպոլիտեն»,
- «Կոկա-Կոլա» ՓԲԸ,
- «Շաքս Գրուպ» ԲԲԸ,
- «ՌՈՒՍԱԼ ԱՐՄԵՆԱԼ» ՓԲԸ: