Թռչող ապարատների ավիացիոն սարքավորումներ
«Տրանսպորտային միջոցներ» ամբիոն
Այս կրթական ծրագրով ուսումնառության ընթացքում ուսանողները ձեռք են բերում տեսական գիտելիքներ և գործնական կարողություններ քաղաքացիական ավիացիայի օդանավերի և ուղղաթիռների տարբեր համակարգերի, մեխանիզմների և ագրեգատների հաշվարկի ու նախագծման, տեխնիկական շահագործման և նորոգման, շահագործական հատկանիշների և բնութագրերի գնահատման ու վերլուծման, շահագործական նյութերի ընտրության և կիրառման վերաբերյալ, որոնք անհրաժեշտ հենքն են շրջանավարտների հետագա մասնագիտական գործունեության արդյունավետ իրականացման և մասնագիտական առաջընթացի համար:
Շրջանավարտները կարող են աշխատել կազմակերպություններում, որոնք իրականացնում են քաղաքացիական ավիաացիայի օդանավերի տեխնիկական սպասարկում, տեխնիկական շահագործում և նորոգում, արատաորոշում և զննություն, ավտոմոբիլների նախագծում, ինչպես նաև մասնագիտական կադրեր պատրաստող ուսումնական հաստատություններում :
«Տրանսպորտային միջոցներ» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- ՖԼԱՅ ԱՐՄԵՆԻԱ ԷՅՐՎԵՅԶ ՍՊԸ
- ՀՀ Քաղաքացիական ավիացիայի կոմիտե,
- «Մարս Ավիա» ՓԲԸ,
- «ՀԱՅԱԷՐՈՆԱՎԻԳԱՑԻԱ» ՓԲԸ,
- «ՏԱԹԵՎ-Տ.Տ.Տ.» ՍՊԸ,
- «Զվարթնոց Հենդլինգ» ՓԲԸ,
- «Արմենիա» միջազգային օդանավակայաններ» ՓԲԸ:
- «Զվարթնոց» միջազգային օդանավակայան: