Մեր մասին
Հայաստանի ազգային պոլիտեխնիկական համալսարանի (ՀԱՊՀ), Հայաստանի ազգային ճարտարագիտական լաբորատորիաները համատեղ Լոնդոնի Սիթի համալսարանի (City University) և Չենջսքուլլի (ChangeSchool) հետ իրականացնում են «Ստեղծարար միտք» (“Creative Spark”) բարձրագույն կրթության ձեռներեցության ծրագիրը:
Դասընթացը նախատեսված էր համալսարանների պրոֆեսորադասախոսական կազմի համար և նպատակ ուներ փոխանցելու Բրիտանական թագավորության փորձը ձեռնարկատիրության և դրա դասավանդման ոլորտում:
«Ստեղծարար միտք» ծրագրի շրջանակներում ավելի քան 500 ուսանող կստանան ձեռնարկատիրական հմտություններ ինչը և կնպաստի Հայաստանում ձեռնարկատիրական էկոհամակարգի զարգացմանը:
Ծրագրի մասին.
«Ստեղծարար Միտքը» (Creative Spark) հնգամյա նախաձեռնություն է, որը նպատակ ունի նպաստել ստեղծարար ձեռնարկատիրական կրթության զարգացմանը՝ աջակցելով այս ոլորտում Միացյալ Թագավորության և ծրագրի մասնակից յոթ երկրների, ներառյալ Հայաստանի ուսումնական հաստատությունների միջև միջազգային համագործակցության ձևավորմանը: Ծրագիրն իրականացվում է Բրիտանական խորհրդի կողմից Կենտրոնական Ասիայում (Ղազախստան, Ուզբեկստան, Ղրղստան), Հարավային Կովկասում (Ադրբեջան, Հայաստան և Վրաստան) և Ուկրաինայում:
Ծրագրի նպատակներն են.
-
- Ծրագրում ներգրավված յոթ երկրում ստեղծարար ձեռնարկատիրական 22 կենտրոնի հիմնադրում, որոնք համագործակցություն կծավալեն ՄԹ համալսարանների հետ,
- Ուսանողներին և ստեղծարար ձեռներեցներին համապատասխան հմտությունների ուսուցանում՝ մտքերի և փորձի փոխանակման փուլից մինչև բիզնեսի մեկնարկում ու մտավոր սեփականության պահպանում,
- Առցանց դասընթացների միջոցով, այդ թվում Զանգվածային բաց առցանց դասընթացների (ԶԲԱԴ) հարթակում ձեռներեցության թեմատիկ անգլերենի ուսուցանում:
Ակնկալվող արդյունքներն են.
-
- բարձրացնել մասնակիցների իրազեկվածությունը, բարելավել ձեռնարկատիրությունը և անգլերենի հմտությունները, որպեսզի նրանք կարողանան ստեղծագործել և զարգացնել իրենց բիզնեսը `աջակցելով ստեղծարար տնտեսությունների զարգացմանը:
- բարելավել Միացյալ Թագավորությունում և ծրագրային երկրներում գործընկերների միջև համագործակցությունը ` կրթական համակարգերում և ձեռնարկատիրական հանգույցներում կայուն ձեռնարկատիրական հմտությունների զարգացման համար:
Գործընկեր համալսարաններ.
-
- Հայաստանի ազգային պոլիտեխնիկական համալսարան
- Հայաստանի պետական համալսարան
- Հայաստանում ֆրանսիական համալսարան
- Ճարտարապետության և շինարարության հայաստանի ազգային համալսարան
- Հայաստանի ֆիզիկական կուլտուրայի և սպորտի պետական ինստիտուտ
- Երևանի պետականբժշկական համալսարան
- Հայաստանի պետական տնտեսագիտական համալսարան
- ՀԱՊՀ Գյումրու մասնաճյուղ
- ՀԱՊՀ Վանաձորի մասնաճյուղ
- ՀԱՊՀ Կապանի մասնաճյուղ