ESU-ն Եվրոպական ուսանողական միությունն է, որի առաքելությունը ուսանողների կրթական, ժողովրդավարական, քաղաքական և սոցիալական իրավունքները ներկայացնելը, պաշտպանելը և ամրապնդելն է:
Նորվեգիայի Օսլո քաղաքում «Բարձրագույն կրթության կայունություն․ բարձրագույն կրթության հիմնարար արժեքներ» կառավարչական գագաթնաժողովին Հայաստանի ազգային պոլիտեխնիկական համալսարանից մասնակցել են Միջազգայնացման և բարեփոխումների գծով պրոռեկտորի օգնական Լաուրա Խաչիկյանը և Կիրառական մաթեմատիկայի և ֆիզիկայի ֆակուլտետի ուսանողուհի Հասմիկ Կարապետյանը:
Գագաթնաժողովի հիմնական նպատակները.
- Կայուն բարձրագույն կրթության հիմնարար արժեքների քննարկում,
- Ծանոթացում եվրոպական բարձրագույն կրթության ոլորտում նախատեսվող փոփոխություններին, Նորվեգիայի կրթական ոլորտի զարգացումներին ու միտումներին:
Լաուրա Խաչիկյան․ «Մենք ներկայացրել ենք Պոլիտեխնիկի փորձը, գաղափարներ փոխանակել ազգային մակարդակի հնարավորությունների և մարտահրավերների վերաբերյալ: Որպես Հայաստանի ազգային պոլիտեխնիկական համալսարանի և Հայաստանի ուսանողական ազգային ասոցիացիայի ներկայացուցիչներ, մեր նկատառումներն ենք արտահայտել ESU-ի նախագահության մշակած 2 նոր փաստաթղթերի վերաբերյալ, որոնք քննարկվել ու այնուհետև հաստատվել են որպես Միության կանոնադրություններ»:
Ընդունված փաստաթղթերն են.
- Բարձրագույն կրթության կայունությունը
- Բարձրագույն կրթության հիմնարար արժեքները
Լ․ Խաչիկյանը և Հ․ Կարապետյանը առաջիկայում ՀԱՊՀ Ուսանողական խորհրդին կներկայացնեն ընդունված կանոնադրությունները, որոնք նպատակուղղված են եվրոպական տարածքում բոլորի համար հասանելի և կայուն կրթական միջավայրի ստեղծմանը, ինչպես նաև ուսանողների իրավունքների գիտակցմանն ու դրանց պաշտպանությանը: