- Հայաստանի ազգային պոլիտեխնիկական համալսարանը, համաձայն «Հայաստանի Հանրապետությունում ասպիրանտուրատուրայի ընդունելության և ուսուցման, դոկտորանտուրայի և հայցորդության ձևակերպման կարգի» (ՀՀ կառավարության 2016 թվականի փետրվարի 25-ի N 238–Ն որոշում) և ՀՀ ԿԳՄՍՆ Բարձրագույն կրթության և գիտության կոմիտեի նախագահի 2024 թվականի մայիսի 17-ի N 9/9․3․3/15178-2024 և հուլիսի 23-ի N 9/9․3․3/21679-2024 գրությունների, հայտարարում է 2024-2025 ուսումնական տարվա հեռակա ասպիրանտուրայի ընդունելություն հետևյալ մասնագիտություններով.
| Հ/հ | Թվանիշը | Մասնագիտությունը | Ասպիրանտորայի տեղերի քանակը | |
| անվճար | վճարովի,
ուսման վարձը՝ 900000 ՀՀ դրամ |
|||
| 1 | Ա․04․07 | Կոնդենսացված վիճակի ֆիզիկա | 1 | 1 |
| 2 | Ե․01․01 | Կիրառական երկրաչափություն և ճարտարագիտական գրաֆիկա | 2 | 1 |
| 3 | Ե.13.01 | Կառավարում, կառավարման համակարգեր և դրանց տարրերը | 1 | 1 |
| 4 | Ե.13.04 | Հաշվողական մեքենաների, համալիրների, համակարգերի և ցանցերի մաթեմատիկական և ծրագրային ապահովում | 1 | 1 |
| 5․ | Ե.13.05 | Մաթեմատիկական մոդելավորում, թվային մեթոդներ և ծրագրերի համալիրներ | 1 | 1 |
| 6. | Ե․14․ 03 | Ջերմաէներգետիկա | 1 | 1 |
| 7․ | ԺԷ․00․03 | Կերպարվեստ, դեկորատիվ և կիրառական արվեստ, դիզայն | 1 | 1 |
| Ընդամենը | 8 | 7 | ||
- Ասպիրանտուրայի ընդունելության մրցույթին կարող են մասնակցել պետական և հավատարմագրված ոչ պետական բուհերի շրջանավարտները, ովքեր ունեն մագիստրոսի կամ դիպլոմավորված մասնագետի որակավորում, հանձնել են «Օտար լեզու» առարկայից տարբերակված ստուգարք ու հաղթահարել հետևյալ անցումային շեմերը.
- օտար լեզու՝
- անգլերեն – «TOEFL» iBT` 46 միավոր «IELTS» ՝ 5,5 միավոր,
- ֆրանսերեն – «TCF»` 200 միավոր,
- գերմաներեն – «on DaF»` 60 միավոր,
- Դիմորդները հանձնում են ընդունելության քննություն մասնագիտական առարկայից, որը գնահատվում է 20 միավորային սանդղակով: Մասնագիտական քննությունը համարվում է հանձնված, եթե դիմորդը ստացել է առնվազն «13» միավոր:
- Ասպիրանտուրա ընդունվում է մասնագիտական քննությունից առավելագույն միավոր ստացած անձը: Մասնագիտական քննության հավասար գնահատականների դեպքում հաշվի են առնվում հետևյալ ցուցանիշներն ըստ հերթականության՝
1) մագիստրոսի կամ դիպլոմավորված մասնագետի ընդհանուր միջին որակական գնահատականը,
2) բակալավրի և մագիստրոսի ընդհանուր միջին որակական գնահատականների գումարը,
3) հրատարակված գիտական աշխատանքների թիվը,
4) միջազգային կամ հանրապետական ուսանողական առարկայական մրցույթներում կամ օլիմպիադաներում ստացած դիպլոմները կամ միջազգային գիտաժողովներին մասնակցությունը (զեկուցումները):
- Անվճար ասպիրանտուրա ընդունված անձանց հետ կնքվում է պայմանագիր, համաձայն որի ասպիրանտուրան ավարտելուց հետո նրանք առնվազն երեք տարի պայմանագրային հիմունքներով պարտավոր են աշխատել «Հայաստանի ազգային պոլիտեխնիկական համալսարանում» հիմնադրամում` կրտսեր գիտաշխատողի կամ ասիստենտի պաշտոնում:
- Ասպիրանտուրայի դիմորդների փաստաթղթերն ընդունվում են սույն թվականի օգոստոսի 26-ից մինչև սեպտեմբերի 13-ը:
Դիմորդները ՀԱՊՀ գրասենյակ են ներկայացնում հետևյալ փաստաթղթերը.
- դիմում համալսարանի ռեկտորի անունով, նշելով ընտրած մասնագիտությունը,
- բակալավրի և մագիստրոսի կամ դիպլոմավորված մասնագետի դիպլոմի ու դրանց հավելվածների պատճենները (օտարերկրյա պետություններում բարձրագույն կրթություն ստացածների համար` փաստաթուղթ նրանց կրթության համարժեքության մասին),
- «Օտար լեզու» առարկայից ատեստավորման վկայականը կամ դրան համապատասխան տեղեկանքը` բալային գնահատմամբ,
- ընտրված մասնագիտությամբ հրատարակված առնվազն մեկ գիտական աշխատանքի պատճենը կամ գիտական ռեֆերատ մասնագիտությունից առնվազն 20 էջի սահմաններում,
- կադրերի հաշվառման անձնական թերթիկը, ինքնակենսագրությունը, անձնագրի կամ նույնականացման քարտի պատճենը, արական սեռի ներկայացուցիչների համար` կցագրման վկայականի պատճենը և չորս գունավոր լուսանկար (3×4 չափի),
- քաղվածք աշխատանքային գրքույկից (առկայության դեպքում):
3․ Բոլոր մասնագիտություններով ասպիրանտուրա ընդունելության մասնագիտական քննությունները տեղի կունենան սույն թվականի սեպտեմբերի 20-ին ժամը 14:30-ին, ՀՍՊՀ համապատասխան մասնագիտական ամբիոններում:
4․ Տեղեկությունների համար կարելի է դիմել ՀԱՊՀ Գիտական հետազոտությունների և ինովացիոն մշակումների կենտրոն` քաղաք Երևան, Տերյան փողոց, 105 (17-րդ մասնաշենք), հեռախոսահամար +37410520520:
ՀԱՊՀ ընդունող հանձնաժողով