Միջազգային գիտության և տեխնոլոգիաների կենտրոն (ISTC) միջկառավարական կազմակերպություն է, որը նպաստում է Ղազախստանի, Հայաստանի, Տաջիկստանի, Ղրղզստանի և Վրաստանի գիտնականներին ԵՄ-ի, Ճապոնիայի, Կորեայի Հանրապետության, Նորվեգիայի և Միացյալ Նահանգների հետազոտական կազմակերպությունների միջև համագործակցությանը: ISTC-ն օժանդակում է միջազգային գիտական նախագծերին և աջակցում է համաշխարհային գիտական և գործարար համայնքին գտնելու և համագործակցելու ԱՊՀ ինստիտուտների հետ:
ISTC-ի 76-րդ գիտական խորհրդատվական կոմիտեն հաստատել է OCP 2024-2025 թթ. հայտերի ներկայացման գործընթացը, որի մեկնարկը կտրվի 2024 թվականի հուլիսի 5-ին: Այս կանչին կարող են դիմել բոլոր նրանք, որոնք ունեն գիտական և հետազոտական նախագծերի առաջարկներ, գիտական սեմինարներին մասնակցելու ճամփորդական աջակցության կարիք:
Հետաքրքրված անձիք կարող են իրենց առաջարկները ներկայացնել ներքոնշյալ ուղղություններով, իսկ հավելյալ տեղեկատվության համար կարող եք անցնել հետևյալ հղմամբ:
– CBRN անվտանգության և WMD սարքավորումների երկակի օգտագործում, ներառյալ նանոտեխնոլոգիաներ, կենսաանվտանգություն, ռադիոակտիվ աղբյուրների ռիսկի նվազեցում, միջուկային անվտանգություն, միջուկային դատաբժշկական փորձաքննություն, SMR (Ընդլայնված մոդուլային ռեակտորներ)
– Երկակի օգտագործման նյութերի և տեխնոլոգիաների արտահանման հսկողություն
– Ջրային ռեսուրսների անվտանգություն
– Կլիմայի փոփոխություն
-Սեյսմիկ համագործակցություն և վտանգի նվազեցման մոնիտորինգ
– Կրիտիկական ենթակառուցվածքների մոնիտորինգ, ճգնաժամային կառավարում
– SDG (Կայուն զարգացման նպատակներ) STI (Գիտություն և տեխնոլոգիական նորարարություն) ներառյալ վերապատրաստում և կարողությունների զարգացում
– Զանգվածային հավաքների և առողջության այլ սպառնալիքների համար պատրաստվածություն և արձագանքում
– Կիբերանվտանգություն
– Քաղաքացիական պաշտպանություն / Աղետների ռիսկի կառավարում
– Մաքուր / վերականգնվող էներգիա և էներգաարդյունավետություն
– Բժշկական շտապ օգնության պատրաստություն և արձագանքում
Մասնակցության համար անհրաժեշտ է գրանցվել և ներբեռնել առաջարկները հետևյալ կայք էջում՝ https://www.portal.istc.int/:
Կից կարող եք գտնել SAC 76-ի կողմից հաստատված վերջնաժամկետները:
- Քայլ 1: Երեք էջի սահմաններում առաջարկի սեղմագիր մինչև 2024 թվականի հոկտեմբերի 15-ը:
- Քայլ 2: Ամբողջական առաջարկության ներկայացում մինչև 2024 թվականի մարտի 15-ը, բոլոր այն մասնակիցների համար, որոնք նախապես ստացած կլինեն՝ հաջորդ փուլ անցնելու մասին տեղեկատվություն:
Հավելյալ հարցերի դեպքում կարող եք գրել [email protected] Էլ. հասցեին: