Հայաստանի ազգային պոլիտեխնիկական համալսարանի Ռեկտորատի հերթական նիստում քննարկվեց 30 կՎտ հզորությամբ արևային կայանի կառուցման և Պոլիտեխնիկի մասնաշենքերից մեկի տանիքին տեղադրման աշխատանքների ընթացքը:
Ֆոտովոլտային կայանը կառուցվում է «Բուլղարիայի զարգացման աջակցության» ֆինանսավորմամբ:
Մասնագիտական թիմի կողմից ներկայացվեց արևային կայանի տեղադրման նախագծային համալիր փաթեթը՝ տեղանքի զննման և չափագրոթյան արդյունքները, նախագծված սխեմաները, արևից մաքուր էլեկտրաէներգիայի արտադրության ակնկալվող ցուցանիշները, ինչպես նաև ֆոտովոլտային վահանակների, փոխակերպիչների ընտրության նպատակով իրականացված վերլուծության արդյունքները:
Հիշեցնենք, որ արևային կայանի կառուցման և տեղադրման դրամաշնորհային պայմանագիրը ստորագրվել էր անցյալ տարվա վերջին՝ ՀԱՊՀ ռեկտոր Գոռ Վարդանյանի և Բուլղարիայի Հանրապետության արտակարգ և լիազոր դեսպան Կալին Անաստասովի կողմից:
Արևային ֆոտովոլտային այս կայանը նախագծվել և կառուցվելու է միմիայն ՀԱՊՀ մասնագիտական թիմի՝ գիտնականների, ասպիրանտների, երիտասարդ մասնագետների և տեխնիկական ախատակիցների ուժերով:
