Պոլիտեխնիկի ռեկտոր Գոռ Վարդանյանի շնորհավորանքը էներգետիկներին մասնագիտական տոնի առթիվ

Պոլիտեխնիկի ռեկտոր Գոռ Վարդանյանի շնորհավորանքը էներգետիկներին մասնագիտական տոնի առթիվ

Սիրելի Էներգետիկներ, առանձնակի ջերմությամբ շնորհավորում եմ Ձեզ՝ էներգետիկներին, մասնագիտական տոնի՝ Էներգետիկի օրվա առթիվ:

Պոլիտեխնիկական համալսարանը յուրահատուկ վերաբերմունք ունի էներգետիկների հանդեպ, քանզի այս մասնագիտական համայնքի ճնշող մեծամասնությունը մեր շրջանավարտներն են, մեր դեսպանները այս ոլորտում:

Ձեր դերը կրթության, գիտության և մասնագիտական աշխատանքում չափազանց մեծ է և կարևոր, քանզի դուք եք ապահովում մեր երկրի էներգետիկ համակարգի կայունությունը և ոլորտային կրթությունը: Նաև ցանկանում եմ նշել, որ այսօր տոնվում է մեկ այլ նշանակալի իրադարձություն Հայաստանի էներգահամակարգի 119-ամյակը:

Շնորհավորում եմ բոլորիս, ովքեր այս օրը համարում են իրենց մասնագիտական տոնը։ Թող Ձեր նորանոր ձեռքբերումներ ծառայեն` ի բարօրություն Հայաստանի Հանրապետության և ի շահ մեր ժողովրդի։