Ս․թ․ Նոյեմբերի 22-26-ը ՌԴ Ժողովուրդների բարեկամության համալսարանում տեղի կունենա ուսանողների և երիտասարդ գիտնականների 1-ին միջազգային գիտական համաժողովը՝ «Հանուն քաղաքակրթության կայուն զարգացման. համագործակցություն, գիտություն, կրթություն, տեխնոլոգիա» խորագրով:
Համաժողովի առանցքային թեման մինչև 2030 թվականը մարդկության կայուն զարգացման 17 նպատակներն են:
Համաժողովի նպատակներ են.
- ստեղծել աշխատանքային հարթակ` փորձագետների, մասնագետների, երիտասարդ գիտնականների և ուսանողների միջև քննարկման և փորձի փոխանակման համար,
- կազմակերպել փոխգործակցություն (տարածաշրջանային և միջազգային), երիտասարդական, գիտատեխնիկական միջոցառումների շրջանակներում, կրթական, հետազոտական կազմակերպությունների և պետական մարմինների համար,
- ձևավորել «օրակարգ»՝ երիտասարդ հետազոտական և միջազգային ուսանողական հանրույթի համար՝ ելնելով համագործակցության և գործընկերության, ինչպես նաև կայուն զարգացման նպատակների առաջնահերթության սկզբունքներից:
Համաժողովի շրջանակներում կկայանա լիագումար և ռազմավարական նիստեր, շրջանակային քննարկումներ, բոլոր 17 նպատակների վերաբերյալ, տարբեր տարածաշրջանային տեսանկյուններից:
Համաժողովի թեմաներ են.
- քաղաքակրթության կայուն զարգացում՝ նպատակ, խնդիրներ, մարտահրավերներ, ուղղություններ,
- աշխարհաքաղաքականություն՝ ամուր միությունների ռազմավարություն: Գլոբալ քաղաքատնտեսական և սոցիալական գործընթացների կառավարման բարդ համակարգեր,
- էկոհամակարգերի և ճգնաժամային իրավիճակներում փոփոխվող տեխնոգեն և բնական միջավայրերի կառավարման բարդ համակարգեր,
- կրթությունը, որպես արժեքների ձևավորման և համաշխարհային զարգացման ապահովման, միջազգային մրցունակության համակարգ:
Միջոցառման ձևաչափերը՝ առկա՝ РУДН համալսարանում, առցանց՝ Microsoft Teams-ով:
Երիտասարդ գիտնականները և ուսանողները հրավիրված են մասնակցելու համաժողովին, որպես ունկնդիրներ (առկա կամ առցանց): Համաժողովի արդյունքները կամփոփվեն հրապարակմամբ՝ համաժողովի լավագույն նյութերի ժողովածուում:
Առկա մասնակցության դեպքում տեղափոխման և կացության ծախսերը հոգում է մասնակիցը:
Առավել մանրամասն տեղեկատվության համար կարող եք ծանոթանալ կից հավելվածներին:
Համաժողովի մասին լրացուցիչ տեղեկությունների համար այցելեք համալսարանի էջ:
Լրացուցչ հարցերի դեպում կարող եք ուղարկել էլ. փոստ՝ հետևյալ հասցեին. [email protected]: