BostonGene ընկերության ներկայացուցիչները, ընկեության տեխնիկական տնօրեն Վլադիմիր Սատուրչենկոյի գլխավորությամբ, հանդիպել են Պոլիտեխնիրկական համալսարանի ուսանողների հետ։ Վլադիմիր Սատուրչենկոն հանդես եկավ ոլորտին և ընկերությանը վերաբերվող 30 րոպե տևողությամբ դասախոսությամբ։ Մասնակցել են ՏՀՏ և Է ինստիտուտի ու Մաթեմատիկայի ֆակուլտետի թվով 53 ուսանող, որոնցից 47-ը տեղում լրացրեցին հայտադիմումները: Հավաքագրման փուլը հաղթահարելու և տեխնիկական հարցազրույցները հաջողելու դեպքում ուսանողները հնարավորություն կունենան միանալ BostonGene ընկերության թիմին, որպես սկսնակ մասնագետ։
Ընկերությունը Երևանում բացել է ինժեներական գրասենյակ և հետաքրքրված է տաղանդավոր ուսանողներով, ովքեր կցանկանան զարգանալ Computer Science ոլորտում։ BostonGene-ը աշխատանքում կիրառում է ժամանակակից տեխնոլոգիաներ՝ Java, JavaScript (React), Python:
Ընկերության ներկայացուցիչները նշեցին, որ Պոլիտեխնիկական համալսարանի ուսանողներին առաջարկում են աշխատել ամենահեռանկարային ճյուղերից մեկի՝ բիոտեխնոլոգիայի ոլորտի փորձագետների թիմում, ունենալ մրցակցային եկամուտ և ճկուն գրաֆիկ, որը հարմար է ուսման հետ համատեղելու համար։
Հանդիպման ընթացքում նրանք խոսեցին BostonGene ընկերության, քաղցկեղի բուժման իրենց առաքելության և գործառույթների, կենսատեխնոլոգիական ոլորտում ծրագրավորողների համար կարիերայի և ծրագրային ապահովման ոլորտում ուսանողների կարիերան կառուցելու համար BostonGene ընկերության թիմին միանալու առավելությունների մասին: Ընկերության HR բաժնի աշխատակիցների հետ քննարկվեցին նաև ուսանողների հնարավոր կարիերայի ուղիները։
BostonGene-ը ամերիկյան ՏՏ առողջապահական ընկերություն է, որն ունի ինժեներական կենտրոն Երևանում: Ընկերությունը մշակում է նորարարական ամպային հարթակ, որն օգնում է ուռուցքաբանին ընտրել թերապիա կոնկրետ հիվանդի համար՝ հիմնվելով նրա ուռուցքի և օրգանիզմի եզակի գենետիկական և մոլեկուլային բնութագրերի վրա: Այժմ թվային տեխնոլոգիաների, գենետիկայի, բիոինֆորմատիկայի և բժշկության խաչմերուկում ստեղծվում է արդյունաբերության նոր տիրույթ՝ Թվային անհատականացված բժշկություն: Ընկերությունը MedTech/ BioTech նորարարական մի քանի ընկերություններից մեկն է, որոնք զբաղված են այս նոր ոլորտով, այսպիսով հեղափոխելով բժշկությունը: