Հայաստանի ազգային պոլիտեխնիկական համալսարանի ղեկավարությունը, պրոֆեսորադասախոսական ողջ անձնակազմը, աշխատակիցները և ուսանողները խորը վշտով հայտնում են, որ կյանքից հեռացել է ՀԱՊՀ Հասարակական գիտությունների ամբիոնի ընդհանուր տնտեսագիտության սեկտորի վարիչ Մարինե Կարմենի Աղայանը:
Մ․ Աղայանը 1978 թ․ Ոսկե մեդալով ավարտել է Երևանի թիվ 87 միջնակարգ դպրոցը:
1982թ․ ավարտել է Երևանի ժողովրդական տնտեսության ինստիտուտի «Պլանատնտեսագիտություն» ֆակուլտետը՝ Արդյունաբերության պլանավորում» մասնագիտությամբ:
1985թ․ ավարտել է ՀԽՍՀ ԳԱ Տնտեսագիտության ինստիտուտի ասպիրանտուրան։
1994թ․ ավարտել է Երևանի Կ․ Մարքսի անվան պոլիտեխնիկական ինստիտուտը:
Մինչև 1998 թ․ աշխատել է «Հայխնայբանկ»-ում, որպես առաջատար մասնագետ։
2003 թ․ ԵրՊի-ՀՊՃՀ 70 ամյակի առթիվ, ի գնահատումն Հայաստանի պետական ճարտարագիտական համալսարանում բարեխիղճ աշխատանքի, պարգևատրվել է Շնորհակալագրով։
2006 թ․ ՀՀ ԲՈՀ-ի կողմից Մ․ Աղայանին շնորհվել է դոցենտի գիտական կոչում։
2008 թ․ Հայաստանի պետական ճարտարագիտական համալսարանիհիմնադրման 75 ամյակի կապակցությամբ, ի գնահատումն համալսարանում բեղմնավորգործունեության ու ներդրված ավանդի, պարգևատրվել է Վաստակագրով։
2009 թ․ Ուսանողական խորհրդի 15 ամյակին նվիրված միջոցառումների շարքում գրավել է առաջին տեղը՝ ընտրվելով էներգետիկական ֆակուլտետի «Ամենասիրված և ճանաչված դասախոս»։
Հեղինակ է 16 մենագրության, 9 ուսումնամեթոդական աշխատանքի։