Սանկտ Պետերբուրգի պետական տնտեսագիտական համալսարանում կայացել է «Կայուն զարգացումը համաշխարհային մարտահրավերների համատեքստում» չորրորդ միջազգային գիտաժողովը: Մասնակցության հրավեր էր ստացել նաև Հայաստանի ազգային պոլիտեխնիկական համալսարանը:
Գիտաժողովի աշխատանքներին օնլայն ձևաչափով մասնակցել են ՀԱՊՀ Լեռնամետալուրգիայի և քիմիական տեխնոլոգիաների ինստիտուտի «Լեռնամետալուրգիական արդյունաբերության և բնօգտագործման տնտեսագիտություն և կառավարում» սեկտորի վարիչ, տնտեսական գիտությունների թեկնածու, դոցենտ Սառա Մկրտչյանը և ՀԱՊՀ 2-րդ կուրսի ասպիրանտ Սասուն Բախշյանը:
Ներկայացված աշխատանքը վերաբերում էր «Հայաստանի լեռնամետալուրգիական ճյուղի կայուն զարգացման խնդիրները համաշխարհային մարտահրավերների սպառնալիքների պայմաններում» թեմային, որը կտպագրվի գիտաժողովի նյութերի ժողովածուի մեջ:
Սանկտ Պետերբուրգի պետական տնտեսագիտական համալսարանում կազմակերպված «Կայուն զարգացումը համաշխարհային մարտահրավերների համատեքստում» չորրոդ միջազգային գիտաժողովին Հայաստանի ազգային պոլիտեխնիկական համալսարանի ներկայացրած թեմաները արժանացել են բարձր գնահատանքի: Նաև առաջարկել են աշխատել Պոլիտեխնիկի հետ՝ գիտական նոր արդյունքների ակնկալիքով:
