Ավարտվեց կազմակերպությունների միջև անցկացվող Հայաստանի շախմատի Գրան Պրի մրցաշարի երկրորդ փուլը: Այս անգամ մրցաշարին մասնակցում էին ՀՀ կազմակերպությունները ներկայացնող 20 թիմեր, իսկ հաղթանակի դափնին բաժին հասավ Հայաստանի ազգային պոլիտեխնիկական համալսարանին: Համալսարանի աշխատակիցներից և ուսանողներից կազմված թիմը այս անգամ վստահ հաղթանակ տոնեց՝ իրենից ետ թողնելով նախորդ Գրան Պրիի հաղթողներին։ Պոլիտեխնիկցիները չորս խաղատախտակի վրա մեկ պահեստային խաղացողով և հետևյալ կազմով՝ Սուրեն Ավետիսյան, Գառնիկ Պեպելյան, Կարապետ Կոգարով, Նորայր Հակոբյան, Հարություն Պեպելյան, կարողացան առանց թիմային պարտության ավարտել մրցաշարը։
Լարված ու բովանդակային պայքարից հետո ձևավորվեց մրցանակային եռյակը՝ իսկ մրցաշարային աղյուսակը ներկայացված է ստորև։
Առաջին տեղ՝ « Հայաստանի ազգային պոլիտեխնիկական համալսարան»,
Երկրորդ տեղ՝ «ՀՀ փաստաբանների պալատ 1»,
Երրորդ տեղ՝ « ՍոֆթԿոնստրակտ 1»:
Ընդհանուր Գրան Պրի 2022-ի հաղթողը կորոշվի 5 մրցաշարերից 3-ում ցույց տված լավագույն արդյունքների հանրագումարով։ Հիշեցնենք, որ Գրան Պրի առաջին փուլում մեր թիմը զբաղեցրել էր 3-րդ հորիզոնականը և հաջորդող երեք փուլերում հաջող հանդես գալու դեպքում ունի լավ հնարավորություն Հայաստանի Շախմատի Գրան Պրի 2022-ում հաղթող ճանաչվելու։
Կազմակերպություններ | Խաղ | Հ | Ո | Պ | Մ | Լր․Մ | |
1 | ՀԱՊՀ | 6 | 4 | 2 | 0 | 10 | 18,5 |
2 | ՀՀ փաստաբաններ 1 | 6 | 4 | 1 | 1 | 9 | 16,0 |
3 | ՍոֆթԿոնստրակտ 1 | 6 | 4 | 1 | 1 | 9 | 14,5 |
4 | Սիներջի | 6 | 2 | 4 | 0 | 8 | 15,0 |
5 | Գազպրոմ Արմենիա | 6 | 3 | 2 | 1 | 8 | 13,0 |
6 | ՀՀ փաստաբաններ 2 | 6 | 4 | 0 | 2 | 8 | 13,0 |
7 | Չեսիֆայ | 6 | 3 | 1 | 2 | 7 | 16,0 |
8 | ՀՀ կենտրոնական բանկ | 6 | 2 | 3 | 1 | 7 | 14,0 |
9 | Աթենք 1 | 6 | 3 | 0 | 3 | 6 | 12,5 |
10 | Code Signal | 6 | 2 | 2 | 2 | 6 | 12,5 |
11 | ՍոֆթԿոնստրակտ 2 | 6 | 3 | 0 | 3 | 6 | 10,0 |
12 | ՀՊՄՀ | 6 | 2 | 1 | 3 | 5 | 12,5 |
13 | Հայաստանի լրագրողների Միությ․ | 6 | 2 | 1 | 3 | 5 | 12,5 |
14 | ՀԲԸՄ | 6 | 2 | 1 | 3 | 5 | 10,0 |
15 | Աթենք 2 | 6 | 2 | 1 | 3 | 5 | 8,5 |
16 | Վեգա ՈՒորլդ | 6 | 2 | 0 | 4 | 4 | 12,0 |
17 | Global Bridge | 6 | 1 | 2 | 3 | 4 | 9,0 |
18 | Technamin | 6 | 2 | 0 | 4 | 4 | 7,5 |
19 | ՌՈԻՍԱԼ Արմենալ | 6 | 1 | 1 | 4 | 3 | 8,5 |
20 | Royal Signature | 6 | 0 | 1 | 5 | 1 | 4,5 |