ՀՀ կրթության, գիտության, մշակույթի և սպորտի նախարարության երաշխավորությամբ Հայաստանի ազգային պոլիտեխնիկական համալսարանը կազմակերպում է հանրակրթական ուսումնական հաստատության ղեկավարման իրավունք (հավաստագիր) ստանալ ցանկացողների համար վերապատրաստման դասընթացներ:
Հանրակրթական ուսումնական հաստատության ղեկավարման իրավունքի (հավաստագրի) համար կարող է վերապատրաստվել այն անձը, ով ունի բարձրագույն կրթություն և վերջին տասը տարվա ընթացքում մանկավարժական, գիտամանկավարժական աշխատանքի կամ կրթության կառավարման ոլորտի առնվազն յոթ տարվա ընդհանուր աշխատանքային ստաժ:
Վերապատրաստման ծրագրով հետաքրքրված անձիք մինչև 2022թ․ հունիսի 9-ը, ժամը 18:00 պետք է լրացնեն հետևյալ հայտը կամ ներկայացնեն անհրաժեշտ փաստաթղթերը ՀԱՊՀ «Շարունակական կրթության և դասախոսների վերապատրաստման կենտրոն», ք․ Երևան, Տերյան 105, 5-րդ մասնաշենք, 5118 սենյակ։
Հարցերի դեպքում կարող եք զանգահարել հետևյալ հեռախոսահամարներով (091) 010085, (033) 234757 ամեն օր` ժամը 1000-1800-ն կամ գրել մեզ [email protected] էլեկտրոնային հասցեին:
Պահանջվող փաստաթղթերի ցանկը`
- դիմում` ՀԱՊՀ ռեկտորի անունով՝ կցելով լուսանկարը տեսաներածված տարբերակով որպես մեկ ամբողջություն․
- 3×4 չափի լուսանկար.
- բարձրագույն կրթության դիպլոմի պատճեն կամ տեսաներածված տարբերակը.
- «Հանրակրթության մասին» ՀՀ օրենքի 12-րդ հոդվածի 2-րդ մասին համապատասխան՝ աշխատանքային ստաժի վերաբերյալ տեղեկանք աշխատանքավայրից.
- Հայաստանի Հանրապետության քաղաքացու անձնագրի կամ նույնականացման քարտի պատճեն կամ տեսաներածված տարբերակը.
- մասնագիտական գիտելիքներն ու գործնական կարողությունները հավաստող այլ փաստաթղթեր (գիտական աշխատություններ, հրապարակումներ կամ դրանց ցանկը).
- ՀԱՊՀ հիմնադրամի հաշվեհամարին (ՀԷԲ Մյասնիկյան Մ/Ճ, Հ/Հ 163038102055) փոխանցված գումարի անդորրագիրը կամ դրա տեսաներածված տարբերակը:
Դասընթացների սկիզբը հունիսի 13-ից:
20-օրյա (110 ժամ) դասընթացի արժեքը, ներառյալ` մասնակիցներին տրամադրվող ուսումնական նյութերը, գրենական պիտույքները, սուրճի ընդմիջման ապահովումը, կազմում է 80 000 դրամ:
«Հայաստանի ազգային պոլիտեխնիկական համալսարան» հիմնադրամը կրթական, գիտահետազոտական և մշակութային բարձրագույն ուսումնական հաստատություն է, որի գործունեությունը նպատակաուղղված է տեխնիկական գիտությունների և տեխնիկայի, մշակույթի տարբեր ուղղություններով կրթության, հիմնարար ու կիրառական գիտական հետազոտությունների և ուսումնառության կազմակերպմանը` հանրակրթական, միջին մասնագիտական, բարձրագույն և հետբուհական մասնագիտական և լրացուցիչ կրթության մակարդակներում` ՀՀ օրենսդրությամբ նախատեսված կարգով և կրթական ծրագրերով:
ՀԱՊՀ «Շարունակական կրթության և դասախոսների վերապատրաստման կենտրոնը» հանդիսանում է սույն ծրագրով վերապատրաստումների իրականացման հիմնական պատասխանատուն։ Կենտրոնն իրականացնում է լրացուցիչ և շարունակական կրթության տարբեր ծրագրեր՝ ապահովելով դրանց մատչելիությունը հանրության ամենալայն շերտերի համար (դպրոցականներ, ուսանողներ, սկսնակ մասնագետներ, վերապրոֆիլավորվող մասնագետներ, քաղ․ ծառայողներ, ոլորտային մասնագետներ և այլն)։ Կենտրոնում իրականացվող ծրագրերը բազմապրոֆիլ են և բազմամակարդակ՝ համահունչ շուկայի արդի պահանջներին։ Դասընթացավարները ոլորտի լավագույն մասնագետներն են (ինչպես ՀԱՊՀ-ից՝ այնպես էլ արտաքին միջավայրից հրավիրված), ովքեր ունեն դասավանդման թե՛ մասնագիտական թե՛ մեթոդաբանական մեծ փորձ։ Դասընթացներն անցկացվելու են ժամանակակից նորարար մեթոդներով, ինտերակտիվ և ներառական գործիքների կիրառմամբ, նյութերի ընկալելի և հասանելի մատուցմամբ։
ՀԱՅՏԱԴԻՄՈՒՄ
Վերապատրաստումներ՝ հանրակրթական ուսումնական հաստատության ղեկավարման իրավունք (հավաստագիր) ստանալու համար Հայաստանի ազգային պոլիտեխնիկական համալսարանում