Հայաստանի ազգային պոլիտեխնիկական համալսարանը հյուրընկալել էր Life Science ոլորտում մեծ հեղինակություն ունեցող «Quantori» միջազգային կազմակերպության ներկայացուցիչներին։  «Quantori» կազմակերպությունը մասնագիտացած է Life Science ոլորտի համար մեծ տվյալների բազաների մշակման, արհեստական բանականության, մեքենայական ուսուցման և այլ ուղություների տեխնոլոգիաների կիրառման ալգորիթմների, ծրագրային ապահովման միջոցների մշակման աշխատանքներում։

Ընկերության գլխամասային գրասենյակը գտնվում է Միացյալ Նահանգներում՝  Բոստոնում, կենտրոններ ունի նաև Ռուսաստանում, Վրաստանում և ոչ միայն։

Հյուրերին ՀԱՊՀ պրոռեկտոր Սարգիս Ասատրյանցը ներկայացրեց համալսարանի պատմությունը, նվաճումները, ուսումնական և գիտահետազոտական աշխատանքների առկա վիճակը։ Հյուրերին ներկայացվեցին Շնայդեր էլեկտրիկ ուսունական կենտրոնը, ՀԱՊՀ գիտական համալիրը, Ազգային ճարտարագիտական լաբորատորիաները։

Քննարկվել են ՀԱՊՀ-ում «Quantori» կազմակերպության մասնագետների կողմից դասախոսությունների անցկացնան, համատեղ ուսումնագիտական ծրագրերի իրականացան, համատեղ լաբորատորիաների կազմակերպան, ուսանողների, դասախոսների և մասնագետների շարունակական կրթության և վերապատրաստման համատեղ աշխատանքների իրականացման հնարավորությունները։

Հանդիպման մասնակիցները կարևորելով բարձր տեխնոլոգիաների ոլորտի համար բարձրակարգ ճարտարագիտական կադրերի պատրաստման անհրաժեշտությունը, պայմանավորվեցին ՀԱՊՀ և «Quantori» կազմակերպության միջև համապատասխան հուշագրի ստորագրման, համատեղ գիտահետազոտական աշխատանքների կազմակերպման և իրականացման նպատակահարմարության վերաբերյալ։