- Հայաստանի ազգային պոլիտեխնիկական համալսարանը, համաձայն «Հայաստանի Հանրապետությունում ասպիրանտուրատուրայի ընդունելության և ուսուցման, դոկտորանտուրայի և հայցորդության ձևակերպման կարգ»-ի (ՀՀ կառավարության 2016 թվականի փետրվարի 25-ի N 238–Ն որոշում) և ՀՀ ԿԳՄՍ նախարարի 2022թ. ապրիլի 12-ի 05/11.2/7895-2022 գրության, հայտարարում է 2022-2023 ուս.տարվա առկա ասպիրանտուրայի ընդունելություն հետևյալ մասնագիտություններով.
| Հ/Հ | Թվանիշ | Մասնագիտությունը | Ասպիրանտորայի տեղերի քանակը | |
| անվճար | վճարովի,
ուսման վարձը՝ 660000 դրամ |
|||
| 1 | Ա․04․06 | Ակուստիկա | 1 | 1 |
| 2 | Ե.02.01 | Մեքենագիտություն | 1 | 1 |
| 3 | Ե.11.01 | Ինֆորմացիայի ստացման և չափման մեթոդներ, սարքեր և համակարգեր | 1 | 1 |
| 4 | Ե․12․01 | Ռադիոտեխնիկա, ռադիոհաճախականային սարքավորումներ, համակարգեր, տեխնոլոգիաներ | 1 | 1 |
| 5 | Ե.13.01 | Կառավարում, կառավարմանհամակարգեր և դրանց տարրերը | 1 | 1 |
| 6 | Ե.13.02 | Ավտոմատացման համակարգեր | 3 | 1 |
| 7 | Ե.13.04 | Հաշվողական մեքենաների, համալիրների, համակարգերի և ցանցերի մաթեմատիկական և ծրագրային ապահովում | 1 | 1 |
| 8 | Ե.13.05 | Մաթեմատիկական մոդելավորում, թվային մեթոդներ և ծրագրերի համալիրներ | 1 | 1 |
| 9 | Ե.14.04 | Վերականգնվող և այլընտրանքային էներգիայի աղբյուրներով էներգետիկ կայանքներ | 1 | 1 |
| 10 | Ե.16.01 | Նյութագիտություն | 1 | 1 |
| 11 | Ե.16.02 | Մետալուրգիա | 1 | 1 |
| 12 | Ե.17.04 | Օրգանական նյութերի սինթեզի և վերամշակման տեխնոլոգիա | 1 | 1 |
| 13 | Ե.27.01 | Էլեկտրոնիկա, միկրո և նանոէլեկտրոնիկա | 4 | 1 |
| Ընդամենը | 18 | 13 | ||
- Ասպիրանտուրայի ընդունելության մրցույթին կարող են մասնակցել պետական և հավատարմագրված ոչ պետական բուհերի շրջանավարտները, ովքեր ունեն մագիստրոսի կամ դիպլոմավորված մասնագետի որակավորում, հանձնել են «Օտար լեզու» առարկայից քննություն ու հաղթահարել հետևյալ անցումային շեմերը.
- անգլերեն – «TOEFL» «iBT»` 46 միավոր «IELTS» ՝ 5,5 միավոր,
- ֆրանսերեն – «TCF»` 200 միավոր,
- գերմաներեն – «on DaF»` 60 միավոր։
- Դիմորդները հանձնում են ընդունելության քննություն մասնագիտական առարկայից, որը գնահատվում է 20 միավորային սանդղակով: Մասնագիտական քննությունը համարվում է հանձնված, եթե դիմորդը ստացել է առնվազն «13» միավոր:
- Ասպիրանտուրա ընդունվում է մասնագիտական քննությունից առավելագույն միավոր ստացած անձը: Մասնագիտական քննության հավասար գնահատականների դեպքում հաշվի են առնվում հետևյալ ցուցանիշներն ըստ հերթականության՝
1) մագիստրոսի կամ դիպլոմավորված մասնագետի ընդհանուր միջին որակական գնահատականը,
2) բակալավրի և մագիստրոսի ընդհանուր միջին որակական գնահատականների գումարը,
3) հրատարակված գիտական աշխատանքների թիվը,
4) միջազգային կամ հանրապետական ուսանողական առարկայական մրցույթներում կամ օլիմպիադաներում ստացած դիպլոմները կամ միջազգային գիտաժողովներին մասնակցությունը (զեկուցումները):
- Անվճար ասպիրանտուրա ընդունված անձանց հետ կնքվում է պայմանագիր, համաձայն որի ասպիրանտուրան ավարտելուց հետո նրանք առնվազն երեք տարի պայմանագրային հիմունքներով պարտավոր են աշխատել Հայաստանի ազգային պոլիտեխնիկական համալսարանում (ՀԱՊՀ)` կրտսեր գիտաշխատողի կամ ասիստենտի պաշտոնում:
- Ասպիրանտուրայի դիմորդների փաստաթղթերն ընդունվում են ս.թ. մայիսի 25-ից մինչև հունիսի 15-ը:
Դիմորդները ՀԱՊՀ ընդհանուր բաժին են ներկայացնում հետևյալ փաստաթղթերը.
- դիմում համալսարանի ռեկտորի անունով, նշելով ընտրած մասնագիտությունը,
- բակալավրի և մագիստրոսի կամ դիպլոմավորված մասնագետի դիպլոմի ու դրանց հավելվածների պատճենները (օտարերկրյա պետություններում բարձրագույն կրթություն ստացածների համար՝ նաև փաստաթուղթ նրանց կրթության համարժեքության մասին),
- «Օտար լեզու» առարկայից ատեստավորման վկայականը կամ դրան համապատասխան տեղեկանքը` բալային գնահատմամբ,
- ընտրված մասնագիտությամբ հրատարակված առնվազն մեկ գիտական աշխատանքի պատճենը կամ գիտական ռեֆերատ մասնագիտությունից առնվազն 20 էջի սահմաններում,
- կադրերի հաշվառման անձնական թերթիկը, ինքնակենսագրությունը, անձնագրի պատճենը, արական սեռի ներկայացուցիչների համար` կցագրման վկայականի պատճենը և չորս գունավոր լուսանկար (3×4 չափի),
- քաղվածք աշխատանքային գրքույկից (առկայության դեպքում):
- Բոլոր մասնագիտություններով ասպիրանտուրա ընդունելության մասնագիտական քննությունները տեղի կունենան սույն թվականի հունիսի 24-ին ժամը 10:00-ին:
- Տեղեկությունների համար կարելի է դիմել ՀԱՊՀ Գիտական հետազոտությունների և ինովացիոն մշակումների կենտրոն` ք. Երևան, Տերյան փ., 105 (17 մասնաշենք), հեռ. 58-98-84:
ՀԱՊՀ ընդունող հանձնաժողով