«Հայաստանի ազգային պոլիտեխնիկական համալսարան» հիմնադրամի ռեկտորատը հայտարարում է «Տեղեկատվական և հեռահաղորդակցական տեխնոլոգիաների ու էլեկտրոնիկայի», «Էներգետիկայի և էլեկտրատեխնիկայի» և «Մեխանիկամեքենաշինական, տրանսպորտային համակարգերի և դիզայնի» ինստիտուտների տնօրենների թափուր պաշտոնատեղերի տեղակալման մրցույթ։
Ինստիտուտի տնօրենի պաշտոնին կարող են հավակնել ոչ պակաս 5 տարվա գիտամանկավարժական ստաժ, գիտական աստիճան և գիտական կոչում ունեցող անձինք։
Մրցույթին մասնակցելու համար հավակնորդը պարտավոր է ներկայացնել հետևյալ փաստաթղթերը՝
-
- դիմում ՀԱՊՀ ռեկտորի անունով,
- կադրերի հաշվառման անձնական թերթիկ՝ 3×4 չափի 1 գունավոր լուսանկարով,
- քաղվածք աշխատանքային գրքույկից,
- ինքնակենսագրություն (նաև էլեկտրոնային կրիչով),
- բարձրագույն կրթության դիպլոմի պատճենը,
- գիտական աստիճանը և գիտական կոչումը հավաստող փաստաթղթերի պատճենները հաստատված սահմանված կարգով,
- տպագրված գիտական և ուսումնամեթոդական աշխատանքների ցուցակները հաստատված սահմանված կարգով (նաև էլեկտրոնային կրիչով),
- բնութագիր՝ տրված աշխատատեղից (տվյալ պահին չաշխատելու դեպքում՝ նախկին աշխատատեղից),
- տվյալներ՝ պարգևատրումների, մրցանակների և պատվավոր կոչումների վերաբերյալ,
- հավակնորդի գործունեության ծրագիրը փակ և կնքված փաթեթով (նաև էլեկտրոնային կրիչով), որը բացվում է դիմումների ընդունման վերջնաժամկետից հետո:
Ինստիտուտի տնօրենի թափուր պաշտոնի բաց մրցույթին մասնակցելու համար դիմումը և կից փաստաթղթերը հանձնվում են ՀԱՊՀ Գիտական խորհրդի քարտուղարին՝ անձամբ (առձեռն) կամ պատվիրված փոստով (Տերյան 105, 3-րդ մասնաշենք):
Դիմումների ընդունման ժամկետը սահմանվում է ս.թ. հունվարի 24-ից մինչև փետրվարի 24-ը, ժամը 1700-ը: