Նոյեմբերի 19-ին տեղի ունեցավ Հայաստանի ազգային պոլիտեխնիկական համալսարանի Տարեկան գիտաժողովի «Սոցիալ-քաղաքական գիտություններ» սեկցիայի պլենար նիստը՝ քաղ.գ.թ., դոց. Ն. Բաղդասարյանի նախագահությամբ:
Նիստին մասնակցում էին Պոլիտեխնիկական համալսարանի հետ ամուր գիտակրթական կապեր ունեցող Տամբովի պետական տեխնիկական համալսարանի դոցենտներ Օ. Բոնդարսկայան և Ռ. Գուչետլը:
Տնտ.գ.թ., դոց. Օ. Բոնդարսկայան հանդես եկավ «Տարածաշրջանի ինստիտուցիոնալ կայունությունը» թեմայով զեկուցմամբ:
Առավել հետաքրքրությամբ լսվեց քաղ.գ.թ., դոց. Ն. Բաղդասարյանի «Քաղաքական հոգեբանության էությունն ու առանձնահատկությունները» թեմայով զեկուցումը:
Զեկուցումներով հանդես եկան նաև տնտ.գ.թ., դոց. Մ. Աղայանը, ասիստենտ Ա. Թադևոսյանը, փ.գ.թ., դոց. Ա. Մելիքյանը, ասիստենտ Ս. Մանթաշյանը:
Նշենք, որ գիտաժողովի զեկուցումների հիման վրա կհրատարակվի «Լրաբեր» գիտական հոդվածների ժողովածուն՝ ներառելով գիտաժողովի բաժանմունքների երաշխավորած, գրախոսված և ժողովածուի խմբագրական խորհրդի կողմից ընդունված նյութերը: